خالد الفايد يثير الجدل: عرفت أنام لما رجعت للغناء.. وبعدت عن الأفكار الهدامة
أثار الفنان خالد الفايد، جدلا واسعا، وذلك بعد نشره تعليقا جديدا عبر صفحته على موقع التواصل الاجتماعى فيسبوك بعد قرار عودته للغناء وتراجعه عن الاعتزال.
وقال خالد الفايد: حلو أوي إنك تعمل الحاجة اللي بتحبها وتسيبك من كل القيود والافكار الرجعية.. أول يوم أنام مرتاح نفسيا وحاسس اني بعمل حاجة صح ولقيت نفسي وطردت الافكار الهدامة من دماغي .. انتصرت علي نفسي الحمد لله.
خالد الفايد يتراجع عن الاعتزال
وكان الفايد قد أثار حالة من الجدل بعد إعلانه تراجعه عن الاعتزال،
وقال:اكبر غلطه عملتها ف حياتي اني سمعت كلام الناس .. كنت مخلص من قلبي ..لكن شفت منهم عكس كدا.. وربنا يكفيكم شر اللعب ف الودن والكلام الفارغ.
وأضاف: ربنا يبعد عنكم اي حد بيستغلكم ويضحك عليكم باسم الدين .. ربنا يبعد عنكم اي حد عامل فيها مولانا .. صدقوني في حاجات مش هقدر اشرحها ليكم .. ومش هقدر اقول غير اني اتسرعت وغلطت ف هاني محروس غلط كبير بسبب اني اديت ودني للناس وسيبتهم يتكلموا ويولعوا براحتهم.. اوعي تسلم ودنك لحد وتخليه يبخ فيها سموم .. دا درس اتعلمته حبيت اوضحه علشان محدش يقع في نفس غلطتي”.
