"محتاج شغل بمرتب كويس".. خالد الفايد يستغيث بجمهوره بعد اعتزال الفن
أطلق المطرب المعتزل خالد الفايد، صرخة استغاثة بمتابعيه، وأخبرهم بأنه يمر بأزمة مالية بعد اعتزاله الفني؛ لذلك قرر البحث عن عمل بعيد عن الغناء والفن.
وكتب خالد الفايد، عبر صفحته الشخصية بموقع التواصل الإجتماعي فيس بوك،: “السلام عليكم ياشباب من يوم ما بطلت الغناء وتبت الي الله منه وأنا قاعد ف البيت والدنيا واقعه جدا معايا وانا قاعد دلوقتي من غير شغل ومش هرجع للغناء حتي لو فيها موتي أصلا”.
وأضاف: “أنا محتاج شغل ضروري براتب كويس او مجزي يبقا جزاكم الله خيرا، اللي حابب يتواصل انا متاح علي ماسنجر وجزاكم الله خيرا مره تانية”.
اعتزال خالد الفايد
وكان نجم برنامج ذا فويس كيدز، قد أعلن اعتزاله الغناء، وأكد أن الغناء لا يرضي الله مشددا على عدم عودته لهذا المجال نهائياً، خاصة بعد محاولة عدد من الأشخاص اقناعه بالعدول عن القرار.
وكتب المطرب خالد الفايد عبر حسابه الشخصي على فيسبوك: “بتفاجئ من عدد من الناس داخلة تكلمني تقولي يابني حقق أهدافك واعمل فلوس وبعدها توب بس وأنت معاك فلوس”.
وأضاف:" ده هو التلاعب بالتوبة والله، لأن التوبة مش بمزاجك ولا بمزاجي دي هداية وطريق اختاره ربنا لينا، بتضايق جدا من الناس دي".
