"مش فارقة معايا".. دينا الشربيني تعلق على شائعات ارتباطها بـ تامر حسني

ردت الفنانة دينا الشربيني على الشائعات المنتشرة، بشأن علاقة عاطفية تجمعها بالنجم تامر حسني، منذ إعلانها تعاقدها على بطولة فيلم "تاج".

حقيقة ارتباط تامر حسني ودينا الشربيني 

قالت دينا الشربيني: "لم أشاهد أي من هذه الشائعات والمنشورات عبر مواقع التواصل الاجتماعي عني أنا وتامر حسني، مافيش ربط أي حاجة، الناس يتكلموا عادي، ومش فارقة معايا الـmemes اللي بيعملوها، هذا بالضبط ما أكرهه في هذه المواضيع".

تصريحات دينا الشربيني 

وتابعت: "الكلام دا مش بيفرق معايا، عادي، لما بشوف حد بيتقال عليه كده ممكن ازعل، بزعل من الناس اللي بتتكلم من دون ما تبقى فاهمة حاجة أو عارفة حاجة أو ليه، ممكن انا ما بيفرقش معايا بس ممكن يكون فيه حد ثاني بيفرق معه، ممكن حد ثاني يتضايق ممكن حد ثاني تعمله مشكلة لناس ف ليه؟ ملهاش لزمة".

دينا الشربيني في علاقة جديدة 

وكانت دينا الشربيني تحدثت عن قصة الحب التي تعيشها قائلة: "أعيش قصة حب وحاسه إن العلاقة دي هتكون ناجحة أكتر من أي علاقة تانية عشان هو شخص يستحق الحب الجامد أوي".

فيلم تاج 

وتشارك الفنانة دينا الشربيني في فيلم "تاج" مع النجم تامر حسني، والمقرر طرحه قريبا، وتدور أحداثه في إطار كوميدي خيالي، حول تامر حسني الذي يجسد شخصيتين لأخوين توأمين يمتلكان قوة خارقة، اسمهما تاج وهارون.