حمو بيكا: عمر كمال كان بياخد 400 جنيه وبسببي أجره ارتفع
تحدث المطرب الشعبي حمو بيكا، عن علاقته بالفنان عمر كمال، وتحدث عن بدايته الفنية معه ومؤدي المهرجانات حسن شاكوش، مؤكدا أن كمال لا يجيد الغناء.
حمو بيكا وعمر كمال
وقال حمو بيكا في تصريحات لبرنامج “العرافة” مع الإعلامية بسمة وهبة، إنه ساعد كلا من المطربين الشعبيين عمر كمال وحسن شاكوش، معلقا: “أنا ساعدتهم ووقفت جنبهم وكلهم باعوني عشان أنا أهبل وحظي وحش وأستاهل، وكان عمر بياخد 400 جنيه دلوقتي بياخد 40 و50 ألف بسببي”.
وأضاف: “أنا مبعرفش أقرأ ولا أكتب بس أنا أسرع من عمر كمال وحمو بيكا في إني أغني، ولما بييجوا يقفوا على المايك ويغنوا معايا بيبقى الأداء بتاعي أحسن وأسرع”.
كما تحدث حمو بيكا عن عمر كمال خلال اللقاء، وأكد أن الأخير لا يجيد فن الغناء، قائلا: “ورب اللي خلقني عمر كمال مبيعرفش يغني ويعني إيه صوته حلو هي مش بالصوت، وأنا صوتي على قدي وليا جمهور كتير والناس كلها بتحبني”.
كما أكد أنه كان يوجه حسن شاكوش أمام الميكرفون، مضيفًا: “كنت بوجه حسن شاكوش يقف قدام المايك لما ييجي يغني، وهو اللي جه يقولي عايز أغني معاك ومكنتش أعرفه، وأنا كنت عمرو دياب الغلابة وعندي الدليل”.
واختتم: “حسن شاكوش مكنش عنده استوديو وهو بيحط ممول عشان أغانيه تجيب مشاهدات.. أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اتشهر والغرور خده مني بقى يعمل أغاني لوحده”.
