هادي الباجوري يرد على الهجوم بشأن أداء داليا شوقي: الجمهور مسكلها الكورباج
خرج المخرج هادي الباجوري، عن صمته ليرد على الانتقادات التي طالت الفنانة داليا شوقي، بسبب أدائها في أحد مشاهد بمسلسل سفاح الجيزة، موضحاً أنه منزعج من رد الفعل العنيف على حد قوله.
وقال هادي الباجوري، في لقائه بـ برنامج تفاعلكم:الجمهور بتاعنا بيبقى ماسك كورباج شوية، يعنى داليا في أول 4 حلقات كانوا الناس طايرين بيها وشايلينها على دماغهم من فوق، ولما عملت مشهد حسوا إنها بالغت فيه مسكوا لها كورباج وسكاكين ودبحوها، مع إن إنتي لو اكتشفتي أن جوزك اللي متجوزاه بقالك 4 سنين قاتل 9 وكمان خطف أختك وبيحبها رد فعلك ممكن يكون أي حاجة.
وتابع: إحنا السوشيال ميديا عندنا بقت مبالغة وقاعدين للناس على الواحدة، ولو البنت بالغت شوية في المشهد فأنا اللي مسؤول عن ده وأنا اللي كان ممكن أقولها تهدي، وأنا كنت مقتنع بـ أدائها وأنا شايف أنها ممثلة شاطرة ومش هطلع أقول ده على السوشيال ميديا، وأنا أسف إني هقول ده ولكن الناس بقت تقول رأيها بشكل عنيف.
أبطال مسلسل سفاح الجيزة
ويعد مسلسل سفاح الجيزة، بطولة عدد كبير من الفنانيين، ومنهم: أحمد فهمي، ركين سعد، صلاح عبد الله، باسم سمرة، داليا شوقي، جيهان الشماشرجي، وعدد آخر من الفنانين، والمسلسل من تأليف محمد صلاح العزب وإخراج هادي الباجوري.
