رئيس التحرير
علاء الجمل

علياء بسيوني لـ"مصر الآن": طلاقي من أحمد سعد مكانش بسبب خيانته ليا مع واحدة لبنانية

أحمد سعد وزوجته علياء
أحمد سعد وزوجته علياء بسيوني

أعلنت مصممة الأزياء علياء البسيوني، منذ أيام عن طلاقها من الفنان أحمد سعد، بعد إنجابهما فتاتين وهما: علياء ومريم، مشيرةً إلى أنه كان قرارًا نابعًا من أحمد سعد وليس منها، ما أثار جدلاً واسعا عبر السوشيال ميديا.

وترددت بعدها أنباء عدّة حول أن الانفصال تم بسبب خيانته لها معفتاة أخرى، وهذا دفعه لإنهاء حياتهما الزوجية.

وعلقت علياء بسيوني على تلك الأقاويل، في تصريحات خاصة لـ"مصر الآن" وقالت: كل الأخبار اللي بتتنشر عن خيانة أحمد سعد ليا مع ست تانية غلط.

وأضافت: كتير بيقولوا كدة وإن ده سبب الانفصال بينا ولكن طبعا مش صح وكلها كدب ومش حقيقي.. محصلش خيانة ولكن الطلاق بناء على رغبته هو وبس.


طلاق أحمد سعد وعلياء بسيوني

 

وكتبت علياء بسيوني منذ أيام عبر خاصية ستوري لحسابها على إنستجرام، الآتي: الحمد لله على كل شيء، تم الطلاق بيني وبين أحمد من شوية بناءً على رغبته.. حابة أشكر أحمد جدًا على أصله غير الطيب ومعدنه السيئ وحابه أقوله شكرًا على قرارك اللحظي غير الموفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها عشان الأسرة دي.

وأضافت علياء بسيوني: وعشان المشوار اللي أنا ابتديته ومكنتش حابه إنه ينتهي.. شكرًا على توقيتك الجميل وأنا قاعدة ببنتي 3 أيام  وأنت مش عارف حاجة عشان مشغول في الساحل وخروجات وبعدها شغلك.

وأردفت علياء بسيوني: أكبر شكر على المقلب اللي أنا أخدته في العلاقة دي واللي كنت فاهمه إن ليها قيمة ببني وبضحي وبتنازل عشانها وانت طلعتها ولا تسوى وربنا معايا أنا وبناتي في اللي جاي وينتقم منك ويديلك على قد كل حاجة حصلت.