دي قلة أدب.. كريم العدل يشن هجوماً على البلوجر محمد طاهر: بياكل عيش بشتيمة الفنانين
خرج المخرج كريم العدل عن صمته، وهاجم البلوجر محمد طاهر بسبب طريقته في التعليق على الأعمال الفنية، عبر منشور خلال حسابه الشخصي على موقع التواصل الاجتماعي فيسبوك.
كريم العدل يهاجم محمد طاهر
أعاد كريم العدل نشر مقطع فيديو لمحمد طاهر وهو يتحدث عن فيلم مرعي البريمو، وعلق عليه قائلا: "ده مش نقد.. ده اسمه قلة ذوق وعيب، والعيب مش عليه لوحده.. أي فنان ممكن يعمل فيلم أو اتنين أو أكتر وحشين، وممكن مايعجبكش وده حق أصيل لأي شخص".
وأضاف: "وتقدر تنتقد الفيلم بأبشع الطرق.. لكن تغلط و تجرح في الناس سواء ممثل أو مخرج أو ايا كان، دي اسمها قلة أدب.. و لو النقابات الفنية ماتصرفتش ووقفت هذا الشخص عند حده، اللي قاعد ياكل عيش بشتيمة الفنانين و الفنيين في كل فيديو من اللي بيعملهم".
واختتم: "يبقى مليون عيب علينا احنا كمان.. و عيب اكبر كمان على النقاد الكبار، اللي ساكتين على أن الشخص ده يتقال عليه ناقد فني، وقلت قبل كده ان الصحفيين و المذيعين اللي كانوا بيستضيفوا البني ادم ده و يسموه ناقد فني، هما اللي هيوصلونا للحتة دي.. و اهه حصل".
