احتواء وكوتة.. فضيحة رابطة الأندية المحترفة في اختيار أفضل دفاع بالدوري
علق محمد فارس مقدم برنامج خط أحمر عبر قناة النادي الأهلي، على استفتاء رابطة الأندية المحترفة لاختيار المدافع الأفضل خلال الموسم الماضي والنتيجة التي أسفرت عنه والتي تم إعلانها بشكل رسمي خلال الساعات الأخيرة.
رابطة الأندية وأفضل مدافع بالدوري
وقال فارس: الرابطة حطت تصويت على افضل مدافع بين ( علي جبر ، محمود علاء ، حسام عبد المجيد ، محمد دبش ) وشالوا منه اي مدافع من الاهلي وحطوا محمد عبد المنعم في تصويت تاني بين 4 مدافعين تانيين، عشان لو اي 2 مدافعين من الاهلي اتحطوا في التصويتين الاتنين هيكسبوا.
واضاف: الجمهور في التصويت اللي مفيهوش لاعب من الأهلي صوت لدبش على تويتر بنسبة ٦١ ٪ مقابل ١٠ ٪ لحسام عبدالمجيد .
واكمل: صفحة رابطة الأندية أعلنت أن حسام عبد المجيد هو اللي فاز وهيتواجد مع عبد المنعم في تشكيل الدوري، وعشان يتم تمرير وجود حسام عبدالمجيد بدون وجه حق قالوا وفقاً للتصويت على كل المنصات.
وواصل حديثه: المضحك أن اغلب الأصوات على فيس بوك كانت برضوا لدبش بس المضحك أكتر أن اللي صوتوا على تويتر ٢٩ الف، دبش أخد ٦١ ٪ من الاصوات بعني اكتر من ١٧ الف صوت، و كل اللي صوتوا على فيس بوك لكل اللاعبين ١١ الف صوت يعني اصلا دبش كده كده كسبان من تويتر بس.
وأردف: هي دي يا جماعة كمان فيها احتواء ؟ . هو بيتم التعامل مع الزمالك انه اقلية لازم يكون له كوتة في مواجهة نجاح الأغلبية !
واختتم حديثه قائلاً: طيب خلاص لو القصة بالكوتة ومبدأ منزعلش الزمالك يبقى متحطش تصويت للناس متحترمش نتيجته ورغبه الناس ! . ما انتم مش هتقدروا تزودوا عدد الزمالكاوية بالعافية ببقى متحطش تصويت يكشف الحقيقة وبعدها تستفزوا الناس.
