مش بنزل صوري بالبكيني والفيديوهات العريانة هزار.. اعترافات صادمة للبلوجر سلمى الشيمي| خاص
أنكرت البلوجر سلمي الشيمي، اليوم، أمام النيابة العامة، التهمة المنسوبة إليها بشأن قيامها بنشر صور خادشة للحياء العام، مؤكدة أنها لم تفعل شيئاً.
وحصل "مصر الآن" علي نص اعترافات البلوجر سلمى الشيمي في اتهامها بنشر الفسق والفجور وخدش الحياء العام، من خلال نشر وبث فيديوهات بملابس عارية على مواقع التواصل الاجتماعي.
نص أقوال البلوجر سلمي الشيمي
وأنكرت البلوجر سلمي الشيمي، أمام النيابة العامة التهمة المنسوبة إليها بشأن قيامها بنشر صور خادشة للحياء العام، وبثها فيديوهات من شأنها خدش الحياء و الدعوى إلي الفسق والفجور في المجتمع المصري عبر مواقع التواصل الاجتماعي.
وقالت البلوجر سلمي الشيمي أمام جهات التحقيق: "أنا مش بنزل صوري بالبكيني أنا بنزل صور وفيديوهات وأنا لابسة فيست كاجوال وسواريهات وبنزل فيديوهات وبعمل فيها حركات، ودي طبيعة لبسي العادي وأنا بخرج وأنزل في الشارع بالبس اللي بتصور بيه، وانا جمهوري مش اطفال بس، يبقي ايه اللي خادش للحياء في دا.
وأضافت: "أنا عرفت إني مقبوض عليا علشان فيديوهات كنت نزلتها على تطبيق تيك توك وإنستجرام بس أنا عايزة أقول إن الفيديوهات العريانة دي قديمة وأنا مسحتها من على صفحاتي من حوالي ٨ شهور، والفيديوهات اللي بنزلها حاليا متعلقة بشغلي وكمان أنا لما كنت بنزل الفيديوهات دي كنت بنزلها للهزار وبس وأنا مش باخد فلوس من الفيديوهات دي وده ال حصل معايا".
واختتمت: "اللي حصل إن أنا كنت في الامارات في شغل ووصلت مطار القاهرة الدولي، وأنا بنهي إجراءات السفر في الجوازات قعدوني في المطار لحد النهاردة الصبح وجالي ظابط وأخدني جابني على هنا في الإسكندرية، انا شايفة إن لبسي مفهوش مشكله، ودا العادي بتاعي.
