بسبب 8 مشاهد حميمية.. إيناس مكي ترفض "مواطن ومخبر وحرامي"

تحدثت الفنانة إيناس مكي، عن سبب رفضها المشاركة في فيلم “مواطن ومخبر وحرامي”، مؤكدة أن السبب هو 8 مشاهد حميمية مع الفنان خالد أبو النجا.

تصريحات إيناس مكي 

وقالت إيناس مكي خلال تصريحات تليفزيونية بقناة "هي": "كنت بطلة في فيلم مواطن ومخبر وحرامي مع حنان ترك والتي تم استبدالها بالفنانة هند صبري، وصورنا بروفات لمدة شهرين، ولكني رفضت في النهاية تصوير 8 مشاهد حميمية وجريئة مع خالد أبو النجا، هي بنت متحررة، وبتحب تخوض تجربة إقامة العلاقة مع كل المستويات، ومنهم شعبان عبد الرحيم والبوي فريند بتاعها خالد أبو النجا".

وأضافت: "الفيلم كان سيناريو وحوار المخرج دواود عبد السيد، وكان لي 32 مشهد دور بطولة وكان سيصبح فارقا معي سينمائيا، ولكن رفضته في النهاية بسبب مشاهده الجريئة".

داود عبد السيد يتجاهل إيناس مكي

وتابعت: "تواصلت مع داوود عبد السيد وقلت له: عرفني ازاي هعمل المشاهد الحميمية الصعبة؟!، إزاي لإنهم مكتوبين بشكل أوفر جدا، وأنا مش هعرف أصور المشاهد دي، فقول لي هنصورها ازاي من غير ما نخل بالمعنى؟! وقتها بصلي بصة صعبة وراح الفيلم".

مصطلح السينما النظيفة

واستكملت: "أنا ضد تصنيف السينما النظيفة لأنه مستفز زي اللى يقول دي ترابيزة نضيفة، ودي ترابيزة مش نضيفة، ولكن أنا مع منطق نخدَّم على الدور كما يجب، مش لازم نعمل مشاهد تخلينا نتحرج ونتكسف من ولادنا وبناتنا واحنا بنتفرج عليها، وبعدين الكاميرا قادرة تتحكم في المشاهد من زوايا التصوير".