جوري بكر تحتج على أسعار الساحل: قلة أدب وأي مكان أسعاره مش هتعجبني هفضحه

أعربت الفنانة جوري بكر عن غضبها من أسعار المطاعم والمقاهي في منطقة الساحل الشمالي، موضحة أن هناك استغلالا في الأسعار بشكل كبير خارج التوقعات.

جوري بكر تهاجم أسعار الساحل 

وقالت جوري بكر خلال فيديو نشرته عبر خاصية استوري، من خلال موقع تبادل الصور والفيديوهات الشهير انستجرام، قائلة: "أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت".

وأضافت جوري بكر:" فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس إيه الأسعار دي؟!".

إزازة مياه بـ 200 جنية

وتابعت: "أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيا بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه بـ 200 جنيه، هي مياه من الجنة !".

آخر أعمال جوري بكر

يعد أخر عمل شاركت فيه الفنانة جوري بكر هو مسلسل جعفر العمدة، وعرض العمل في الماراثون الرمضاني الماضي لعام 2023، والعمل من بطولة محمد رمضان، هالة صدقي، إيمان العاصي، مي كساب، منة فضالي، وعدد آخر من الفنانين، والعمل من تأليف مهاب طارق ومحمد سامي وإخراج محمد سامي.