عمرو مصطفى: المهرجانات نازلة تغير الهوية العربية.. أنا لو عملتها أبقي بهين تاريخي

أعرب المطرب والملحن عمرو مصطفي عن غضبه من أغاني المهرجانات قائلا:" المهرجانات دي كانت نازلة علشان تغير الهوية العربية والنوع دا مش بتاعي ومش هقدر أعمله".

تصريحات عمرو مصطفى

 وأضاف عمرو مصطفى خلال لقائه في برنامج “the insider بالعربي”:" بس أنا لو عملته أبقي بهين كل  التاريخ اللي أنا عملته وأنت لازم تحافظ علي اللي قدمته للناس علشان في الآخر ليك رسالة يا إما الناس هتفتكرها بالخير يا إما هتكون إنسانا ماديا ".

وتابع:" أنا النهاردة ذاكرت المزيكا 3 سنين علشان أقدر أطلع بالافكار دى والموضوع مجاش صدفة مصحتش من النوم قلت أنا هجيب مطرب بالذكاء الاصطناعي أنا بدرس الموسيقى وأزمنتها وإزاي تتحكم في عقل وقلب البني أدم  وإزاي تقدر تعمل مزيكا تخرجك من مودك".

مشروع عمرو مصطفى لإحياء التراث

وكان قد نشر عمرو مصطفى صورة لشخص يظهر بملامح كرتونية، وهي تحويل الصورة العادية إلى صورة بالذكاء الاصطناعي، معلناً أنه سيقدم أول مطرب ai (الذكاء الاصطناعي) في العالم".

عمرو مصطفى يثير الجدل 

وكان عمرو مصطفى عاد مؤخرا لإثارة الجدل من جديد بعد طرح مقطع مُغنى بصوت أم كلثوم من خلال تقنية الذكاء الاصطناعي، والتي تعد الخطوة الأولى في مشروعه لإحياء كلاسيكيات الموسيقى العربية.