شريف مدكور لـ رضوى الشربيني: ليكي الحتة بتاعتك واللي يقلدك "ماسخ"

تحدث الإعلامي شريف مدكور، خلال مداخلة هاتفية لبرنامج هي وبس، الذي تقدمه الإعلامية رضوى الشربيني، عن مدى إعجابه بها وما تقدمه من نصائح للسيدات في برنامجها، وأوضح أنها صاحبة فضل كبير في حصول المرأة على حقوقها واسترداد كرامتها.

شريف مدكور يدعم رضوى الشربيني

وقال شريف مدكور:" رضوى الشربيني عملت مدرسة في شكل برامج المرأة، في ناس تنتقدك أو ضدك بس ليكي الحتة بتاعتك اللي صعب حد يخترقها أو يقلدها.. ولو حد قلدك يبقى ماسخ".

ووجهت رضوى الشربيني، الشكر لشريف مدكور بسبب دعمه لها في بداية مسيرتها المهنية، قائلة إنها "أول ما دخلت CBC سفرة كنت مرعوبة وخايفة من التقديم على الهواء".

رضوى الشربيني تشكر شريف مدكور

وأضافت: "عمل حلقة حلوة جدا ليا.. وسألني على كل الحاجات اللي كان نفسي اتكلم عليها، رغم أننا مش متفقين.. وكم من الدعم والحب ولا نفسنه ولا قلب أسود ولا خوف".

ورد شريف مدكور مضيفا: "إحنا أخوات وزملاء أنا بعزك جدا على المستوى الشخصي والإنساني، أنتي تستاهلي كل الخير وأنتي عاملة حالة حلوة".

اختتم حديثه: "كل واحد فينا له الجزء بتاعه، لو حد طلع عمل برنامج زي الأكيل، كله هيقول بيقلد مراد، لو حد طلع عمل برامج دايما مع الستات هيقولوا بيقلد رضوى، ولو حد عمل برامج ليها علاقة بالأسرة هيقولوا بيقلد شريف.. فنعمة وفضل أن كل واحد فينا عنده الجزئية بتاعته".