رضوى الشربيني تتذكر حلقة الـ"بلوك": اتنمروا على بناتي وطلبت إجازة
استعادت الإعلامية رضوى الشربيني، كواليس حلقتها الشهيرة التي نصحت خلالها إحدى الفتيات بعمل “بلوك” لخطيبها السابق بعد تخليه عنها، قائلة: ” الفيديو ده غير حياتي وحسسني بالمسئولية”، مشيرة إلى أنها لم تتخيل أن هذا الفيديو سيكون سببا في شهرتها ونجاحها.
تصريحات رضوى الشربيني
وقالت، رضوى الشربيني: “كم الهجوم كان مش طبيعي لدرجة إني خوفت، وطلبت من الإدارة إني أخد أجازة لأني حسيت إن في حاجة غلط”.
وأضافت الشربيني: “كانوا بيقولوا لبناتي مش أنتوا مامتكوا بتاعت البلوك”، مؤكدة أنها شعرت أنها السبب في التنمر على بناتها وسوء سمعتهم على حد تعبيرها، وأنها منعتهم من الذهاب إلى المدرسة، وتابعت: “قفلت على نفسي الباب والتليفونات وقعدت أعيط وكنت متخيلة أن الفيديو ده عملي فضيحة”.
واستطردت رضوى الشربيني: “لكن البني أدم بيشوف دايما الأشياء من منظوره.. وعسى أن تكرهوا شيئا وهو خير لكم.. كرهت ده جدا ساعتها وحسيت إن الناس بتتكلم عليا وأنا مش متعودة وأن الرجالة هتكرهني والستات هتكرهني وإني فشلت فشل ذريع”.
وقالت: “كنت دايما يقول يا رب مش عايزة اتشهر.. عايزة الستر والصحة وشوية فلوش اعرف اصرف بيهم على نفسي وعيالي.. يا رب مش عايزة أصلا ابقى غنية.. الفيديو ده غير حياتي وحسسني بالمسئولية.. وبقيت أقول يارب خليني استغل شهرتي في إني أقدر اساعد غيري وخليني سبب يمكن أعرف أخش بيه الجنة”.
واختتمت: “اتقلبت حياة رضوى الشربيني وشخصيتي اختلفت تماما وطريقة تفكيري بقت مختلفة.. البرنامج كله راح في حته تانية”.
