"معملتش كوميديا من أيام الحاج متولي".. غادة عبد الرازق تشارك في فيلم كوميدي

كشفت الفنانة غادة عبد الرازق عن مشاركتها في فيلم كوميدي، من المقرر أن يعرض قريباً، بعدما حقق مسلسل تلت التلاتة للفنانة نجاح كبير في الموسم الرمضاني الماضي 2023.

وقالت غادة عبد الرازق أثناء لقائها في برنامج ET بالعربي: "أنا عندي فيلم كوميدي قريب؛ لأني من أيام مسلسل عائلة الحاج متولي معملتش حاجة فيها كوميديا وساعتها كنت مستغربة وأنا بشتغل في المسلسل وكنت مخضوضة ومشوفتش أي مشهد ليا واستنيت لما المسلسل نزل وشوفته مع الجمهور".

مسلسل تلت التلاتة
 

ويعد أخر عمل شاركت فيه الفنانة غادة عبد الرازق هو مسلسل تلت التلاتة، وحققت من خلاله نجاح كبير، وضم العديد من الفنانين، أبرزهم مي سليم وليلى أحمد زاهر ومحمد القس ونجوى فؤاد وصلاح عبد الله وأحمد مجدي.

وكانت قد أعلنت الفنانة غادة عبد الرازق الجزء التاني من مسلسل تلت التلاتة، بعد النجاح الذي حققه الجزء الأول من المسلسل والذي عرض في شهر رمضان 2023.

وكانت قد قالت غادة عبد الرازق في تصريحات تليفزيونية، عن الأسباب التي دفعتها لتقديم تلت التلاتة: "اللي شدني فيه إنه مكتوب حلو أوي وفكرة الثلاث شخصيات التوأم حمستني، لأن كان اتعرض عليا كتير زمان إني أجسد فكرة التوأم بس كانوا بيبقوا اتنين بس، فكنت بشوفها مستهلكة أوي ومفيهاش جديد أقدمه للناس".

وأضافت: "وتمسكت جدا إن الـ3 التوأم يبقوا شبه بعض شكلا في كل حاجة، وأنا شوفت ده في الحقيقة إن يكون توأم نسخة من بعض في الشكل والتعامل، وحسيت إن منطقة التشويق دي شبهي لأني نجحت فيها زمان الحمدلله".

وأضافت غادة عبد الرازق: "وشدني إن الدور فيه تحدي إني أعمل 3 شخصيات توأم نسخة من بعض خارجيا، لكن مختلفين تماما داخليا، فـ ده كان تحدي لـ غادة عبد الرازق إني ألعب 3 شخصيات، ومن ضمن صعوباته إن في المشاهد اللي بتجمع الشخصيات دي مع بعض ببقى واقفة بمثل ومفيش حد قدامي".

وتحدثت غادة عبد الرازق للحديث عن كيفية تصوير مشاهد التوأم، وقالت: اللي بيحصل إن مثلا يبقى مشهد فيه الـ 3 شخصيات مع بعض، بلبس الأول لبس فريدة وأدخل أقعد على الكرسي مكانها، وأبص في اتجاه فرح وفريال وأكلمهم، وبعدين ألبس فرح وفريال وأتكلم في اتجاه الاتنين التانيين، وببقى شبه المجانين قدام فريق العمل.

الجزء الثاني من تلت التلاتة 

شاركت الفنانة غادة عبد الرازق، جمهورها صوراً جديدة من أحدث ظهور عبر حسابها الشخصي على موقع التواصل الإجتماعي، وعلقت غادة عبد الرازق عن نهاية مسلسلها الجديد “تلت التلاته”:أخيرا الحمدلله الحلقه الأخيره انتظرونا قريبا بإذن الله مع الجزء الثاني خارج رمضان".