محمد رمضان: حلقة اليوم بـ جعفر العمدة مهمة و مستنينها من بدري

شارك الفنان محمد رمضان جمهوره، سر من حلقة اليوم التي تعرض في مسلسله الرمضاني جعفر العمدة، ليشوق الجمهور لما سيدور من الأحداث.

تصريحات محمد رمضان 

وكتب رمضان من خلال حسابه الرسمي بموقع التواصل الإجتماعي فيس بوك، قائلا:" "حلقة النهاردة السابعة و العشرون فيها لحظة مهمة و مستنينها من بدري .. مستني رأيكم ؟!.. ثقة في الله نجاح ".

وعبر المخرج محمد سامي عن سعادته  بنجاح مسلسل  جعفر العمدة بطولة الفنان محمد رمضان فى تصريحات ببرنامج “Et بالعربى”، وقال محمد سامي: “الحمد لله جعفر العمدة حقق النجاح اللي الواحد تمناه وأكتر كمان، وتفاعل معاها العالم العربي، وجعفر العمدة منجحش كدة بالصدفة فيه حوالي 800 شريك في نجاح المسلسل ده”.

وأضاف: "بيننا أنا ومحمد رمضان كيمياء واستيعاب في الأفكار، ومش كل الممثلين اللي بيشتغلوا معايا ممكن أطلب منهم نفس الطلبات اللي بطلبها من رمضان في التمثيل، لأن قدراته غير عادية، بكتب وأنا مرتاح ومحمد بيجتهد معايا الحاجة اللي ممثل بيلاقيها لذلك بيسلم وبيثق في اللي أنا بعمله".

وتابع: "أول حاجة قولتها لمحمد رمضان في شخصية جعفر العمدة، أن ده راجل جنتل شعبي، كنت بعمل شخص مبني على فكرة التناقضات وفيه العادات اللي تخلي الناس تتوحد مع الشخصية ويحبوها، وبيقدم العائلة ودي أهم حاجة فيه كبطل شعبي، وكلمت محمد مرة قبل التصوير بـ أسبوع قولته لو الشخصية متقدمتش بطريقة تدخل القلوب المسلسل ده مش هينجح، وكان بيبهرني هو ممثل مش عادي".