مي عمر تكشف تفاصيل جديدة في حياتها الفنية
مي عمر: بخاف من الفشل.. وفي كيميا بيني وبين ياسر جلال
أكدت الفنانة مي عمر، تعرضها للكثير من الظلم منذ بداية مسيرتها الفنية، قائلة: "اتظلمت كتير وكنت بحس بالظلم زمان لما كان يتقال عليا أني في التمثيل بسبب جوزي محمد سامي ولكن بعد فترة بقيت أفكر بعقلانية وجوزي قدمني".
وأضافت خلال حوارها ببرنامج "حبر سري"، مع الإعلامية أسما إبراهيم، على قناة القاهرة والناس: "جوزي قدمني ولكن بعد أعمال كتير عملتها مينفعش يتقال جوزي ومفيش حد بيفرض حد على الناس، وفيه ناس كتير بيتعمل لها كل حاجة ومش بتنجح، والمهنة دي مفيهاش حد يفرض حد على الناس".
وتابعت: "أكيد دعم جوزي ليا كان أسهل كتير من أني أبدأ لوحدي ولكن بعمل شغل وفي الآخر استقبال الجمهور وعلى قد النجاح على قد النجومية"، مؤكدة أنها لم تندم على أي عمل رفضته: "في كل قراراتي بحس إن القرار كان الأحسن ليا وأنا بخاف من الفشل، مترددة لكن مش خوافة".
مي عمر: الأسطورة من أهم أدوار حياتي
وأكدت الفنانة مي عمر، أنها لا تدخل في تجربة فنية مع فنان لا تكون مطمئنة في الشغل معه، قائلة: "محمد رمضان نجم كبير وعملت معاه أول مسلسل ليا الأسطورة وكان من أهم الأدوار في حياتي وهو بالنسبة لي مش شخص عادي وكان بيشجعني وحاجة مهمة في تاريخي الفني" .
وأشارت إلى شعورها بالراحة خلال العمل مع ياسر جلال، مضيفة: "ياسر جلال عملت معاه الفتوة وكان من أهم الأدوار، وهو على المستوى الإنساني أخ ليا وممثل تقيل قوي، ولما بمثل معاه بحس بكيميا عالية جدا في التمثيل واستمتع بالشغل معاه على المستوى المهني والإنساني".
وعبرت عن سعادتها بتجربة العمل مع النجم حسن الرداد، متابعة: "حسن الرداد دمه خفيف جدا وعملت معه شغل وبنعمل فيلم جديد مع بعض، ولو اتعرض عليا ثلاث أدوار واختار واحد منهم سواء محمد رمضان أو ياسر جلال أو حسن الرداد سأختار الدور الأفضل ليا".
موضوعات متعلقة
