السيسي: بنوعي الناس تكشف على نفسها.. مش علشان معناش فلوس نعالجهم بس عشان اللي بيتئذي بيتألم

علق الرئيس عبد الفتاح السيسي، على ما طرحه الدكتور خالد عبد الغفار وزير الصحة والسكان بأن الدولة استطاعت تخفيض نسبة الـ 72% من اكتشاف سرطان الثدي للسيدات في مرحلته الرابعة، والتي كانت تكلف الدولة تكلفة مادية كبيرة، إلى 29% فقط والباقي يتماثلن الشفاء.

وقال الرئيس عبد الفتاح السيسي، خلال مؤتمر حكاية وطن: لو بنقول بنقول إزاي الناس تكشف على نفسها، سواء المسح المتكرر، أو نعلم بناتنا إنهم يخلوا بالهم من الموضوع ده، عشان متتجرحش أو يتكسر خاطرها، مش بنتكلم في تكلفة، بل الأثر الناجم عنها.

وتابع السيسي: البرامج كل شوية مطبخ مطبخ مفيش برنامج صحي بيتكلم عن عادات صحية أو عادات رياضية، تساهم في التوعية، محدش بيتكلم فيه خالص.

واستكمل: مش بقول كدة عشان إحنا مش قادرين نعالج، لا بقول كدة لأن اللي بيتأذي بيتألم وإحنا مش عاوزين حد يتألم.

ووصل الرئيس عبد الفتاح السيسي، رئيس الجمهورية قبل قليل، إلى مقر انعقاد مؤتمر حكاية وطن بين الرؤية والإنجاز، في يومه الثالث على التوالي، والذي يعقد في العاصمة الإدارية الجديدة، بمشاركة وزراء وسياسيين وشباب وإعلاميين وممثلين عن جميع فئات المجتمع.

وتناقش فعاليات الجلسة تطور قطاعي الصحة والتضامن خلال السنوات الماضة، ويواصل الرئيس عبدالفتاح السيسي، رئيس الجمهورية منذ 3 أيام المشاركة في مؤتمر حكاية وطن بين الرؤية والإنجاز، والذي يعقد في العاصمة الإدارية الجديدة.