إياك تعزمها على الغدا.. انتصار تقدم نصائح للرجال والفتيات في اللقاء الأول

حرصت الفنانة انتصار على تقديم مجموعة من النصائح لـ الرجال في لقائهم الأول مع الحبيبة، خلال حلقة برنامجها "من غير نفسنة" تقديم الفنانة بدرية طلبة ونوليا عبر شاشة قناة "هي".

تصريحات انتصار 

وقالت الفنانة انتصار: "اللقاء الأول ده يا إما هنكمل مع بعض يا إما مش هنكمل القاعدة مش العلاقة وأوعوا تقابلوا بعض وتقولوا عشاء أو غداء وأنت إياك تعزمها على غداء أو عشاء لأ تقولوا هنشرب حاجة مع بعض علشان لو أنت قعدت معاها واتضايقت من حاجة زي مثلا نبرة صوتها تفاهتها أو ريحتها متبدسش في 6 ساعات لكن هتشرب حاجة في نص ساعة وتقولها هشوفك بقى وتليفونات ده لو أنت اتخنقت نتيجة غبائها وعينك مش طايقة تشوفها".

نصائح الفنانة انتصار

كما وجهت انتصار رسالة للفتيات: "ولو هو اللي مش عاجب البنت ترفض أنها تتعشى وتشرب حاجة وتمشي ولو عجب البنت تقوله أنا عزماك على الغداء وتلزيق المحبين ده".

وتابعت: "لو إنتي رغاية بطبعك وبتحبي تتكلمي في كل حاجة وسيرة أهلك مش لازم تعملي كل ده في أول أو تاني لقاء ومش لازم تحكي فركشتي مع مين قبل كده ومين اللي جه البيت واتقدم على فكرة هو مش جاي يعمل كشف هيئة الراجل لسه بيشوف روحك".