محمود سعد يطمئن الجمهور على عادل إمام: اللي مايعرفش يقول عدس
تحدث الإعلامي محمود سعد عن تصريحات الفنانة مادلين طبر الأخيرة والتي طالبت فيها أسرة الفنان عادل إمام بالإفراج عنه، موضحا أن اتصل بعادل إمام منذ شهر وسيزوره قريبا.
جدل حول الحالة الصحية لـ عادل إمام
وأضاف “سعد” خلال مقطع فيديو قناته على “يوتيوب“: “اللي مايعرفش يقول عدس، السيدة مادلين طبر متعرفش، وقالت أسرة عادل إمام حابسينه، مقالتش التعبير قالت يا ريت أسرة عادل إمام تسيبه تفرج عنه، كأنه طفل وليس له إرادة أو بيدوا له تعليمات أخرج ومتخرجش، مين ده؟ ده ابن الحلمية”.
وأشار: “حصل بيني وبين عادل إمام اتصال من شهر، واللي مكلمني طبعا صوت عادل، وأسلوب عادل كمان، وإن شاء الله هروح له قريب، أرجو الناس لما تبقى مش عارفة تسكت.. أسرة عادل إمام أسرة متماسكة ومتحابة”.
وأوضح: “عادل إمام نجم كبير وعنده فلوس وقول زي ما أنت عايز، ده حاجة تانية، عادل اللي بنشوفه في البيت وبنقعد نتكلم معاه إنسان مصري من الحلمية وحريص أنه يبقى عنده أسرة متماسكة،
مين ده اللي يقول لعادل إمام متخرجش، أي حاجة بتتعمل في أسرة عادل إمام بتتعمل بين أسرة متماسكة متحابة”.
واختتم: “محدش شاف عادل إمام يوم ما مصطفى متولي مات، شوفته في حالة صدمة، هما كانوا في المسرح خلصوا المسرح وقعدوا مع بعض وبعدين كل واحد روح، أخته كلمته بعد ساعة قالت له مصطفى مات، من الصدمة وحزنه عادل كأنه مش موجود، مبيتكلمش خالص”.
