أورتيجا لـ عمرو مصطفى: احنا مش حرامية وأنت كمان بتسرق.. كنت بحبك دلوقتِ لأ وعندي خناقة معاك

السبت 12/أغسطس/2023 - 01:43 م

خرج مطرب المهرجانات أورتيجا، عن صمته ورد على الفنان والملحن عمرو مصطفى، بعدما اتهم مطربي المهرجانات بسرقة ألحانه، قائلًا: "أنا عندي خناقة معاه وقلت له احنا عندنا جمهور يسفلت".

أورتيجا يهاجم عمرو مصطفى

وأضاف خلال لقائه ببرنامج "سبوت لايت": "عمرو مصطفى له كل الاحترام ومش معنى أن حد سرق منه لحن أو لحنين يجمع ويشملنا كلنا بأننا سارقين منه، احنا ناس فاهمين ودارسين وصناع مزيكا وفيه ناس كبيرة في الصناعة بنعمل لهم توزيع ولحن وكلمات والأغنية بتنزل بتكسر الدنيا وبتجيب نفس المشاهدات والملايين اللي هو بيحققها".

وتابع: "اللي سرق منه لحن يرفع عليه قضية بس ما ينفعش يقول كل الناس اللي نجحت نجحوا على السرقة، كلها بتسرق حتى أنت كمان بتنحت واحنا فاهمين كل حاجة وهارشينك، أنا كنت بحبه دلوقتِ لأ لإن احنا مش حرامية".

مشكلة عمرو مصطفى

ولفت: "حاولت أوصل لعمرو مصطفى ما عرفتش بس لما سيرته بتيجي برة بنكون متشرفين به، بس مش عارف ليه اتحول ضدنا واتهمنا بإننا حرامية".

وكان قد فتح الملحن عمرو مصطفى النار على المطرب رامي جمال بعد تصريحاته الأخيرة عنه بشأن حديثه عن زملائه في برنامج حبر سري الذي تقدمه الإعلامية أسما إبراهيم على شاشة القاهرة والناس.