مرتضى منصور: سبت النادي فيه 11 مليون جنيه ولما رجعت ملقتش أجيب كلور أو شمسية
أكد المستشار مرتضى منصور رئيس نادي الزمالك المعزول، خلال المؤتمر الصحفي في مقر القلعة البيضاء، أنه استلم النادي بدون أي أموال.
وقال مرتضى منصور خلال المؤتمر الصحفي: استلمت خزينة النادي فيها 69 ألف جنيه ميكفوش مرتب شهر للعاملين، وعمالين يقولوا عاوزين صفقات عاوزين بطولات، طيب ازاي وأنا مستلم النادي من ممدوح عباس فيه 600 جنيه، ومن حسين لبيب فيه 69 ألف جنيه.
واضاف: سبت النادي كان اللاعبين ليهم 5% بس من مستحقاتهم، ولما رجعت بعد لما مشي حسين لبيب لقيتهم ليهم 74 مليون جنيه.
وأكد مرتضى منصور: سايب النادي فيه 11 مليون جنيه، رجعت ملقتش جنيه أجيب بيه كلور أو مسمار شمسية.
واختتم حديثه قائلاً: الأهلي بياخد رعاية مليار و600 مليون، وأنا بطل الدوري والكأس باخد 400 مليون.
