مش الزوجة.. تفسير غريب من ياسمين عز لمقولة "وراء كل رجل عظيم امرأة"

علقت الإعلامية ياسمين عز، على مقولة وراء كل رجل عظيم امرأة، مؤكدة أن المقصود من المقولة ليست الزوجة.

تصريحات ياسمين عز

وقالت ياسمين عز: فيه حاجة استوقفتني وبقف عندها وهي مقولة وراء كل رجل عظيم امرأة.. الحكيم ما قالش مراته ولا زوجته هو قال امرأة وسابها مفتوحة لو كان يقصد مراته كان هيقول وراء كل رجل عظيم مراته إيه اللي هيخوفه".

وأضافت ياسمين عز: "وهنا يذهب بعض العلماء إلى أنها أمه وهو الاحتمال الأكبر، وبعض العلماء وبعض المناهج قالوا إنها أخته وده احتمال نسبته خمسين في المية، إنما زوجته ومراته دي مدرسنهاش ولا جت في المنهج ولا العلماء رجحوا أبدا إنها زوجته".

ياسمين عز تفسر مقولة وراء كل رجل عظيم امرأة 

وتابعت ياسمين عز: "والحقيقة إن فيه إجماع من علماء التخصص على إن المقولة دي خاطئة وإن الأصل هي وراء كل رجل عظيم نفسه حتى هتلاقوا سجع على الودن، ولو عاوزين تزودوا زودوا إيده وكتفه ورجله، لإن إيده بتشقى علشان يجيب طلباتك وكتفه اللي بيشيل الهموم والزن، ورجله اللي رايحة جاية على الشغل من هنا لهنا ولو عاوزة تزودي زودي مخه اللي هينفجر من كتر التفكير في طلباتك".

وأضافت ياسمين عز: "تقدري تعملي سيرش بيتقال إن المقولة دي جت من أصل إن كان فيه ملياردير عنده فلوس كتير وموظفين وداهم بحيرة وقال لهم اللي هينط في البحيرة ويوصل لبر الأمان هياخد مليون جنيه ولو التسماح أكله ومات هدي أهله مليون ونص، وفيه موظف نط وقعد يصارع والملياردير لما سأله قال له مراتي زقتني ووقعت ومن هنا جت المقولة".