بعد تراجعها عن الإعتزال.. ميريهان حسين:الوسط الفني في مصر يخضع لمعيار العلاقات
حلت الفنانة ميريهان حسين ضيفة على برنامج "كلام الناس" تقديم الإعلامية ياسمين عز، وقالت ميريهان حسين، في أول ظهور لها بعد تراجعها من الاعتزال:"مكنش فيه موقف معين ولكن كان فيه حالة إحباط عام وحسيت إني مش مبسوطة ومضغوطة ومكنتش مبيتة النية إني أعلن فكرة الاعتزال ودخلت في مرحلة اكتئاب، أنا بنت عادية جدا ممكن اتعب واتضايق واحس بظلم فجالي خنقة خلتني عايزة ابعد عن كل حاجة ومش قصة اعتزال التمثيل للأبد، ولكن كنت عايزة اريح نفسي وابعد شوية عن كل حاجة واعتزل الناس والسوشيال ميديا لفترة محددة".
الحالة النفسية لـ ميريهان حسين
وأضافت ميريهان حسين:"قلت اعتزل ما يؤذيك ومقصدتش إن الفن بيؤذيني ولكن حالتي النفسية مكنتش كويسة وحاسة بإحباط وظلم ولذلك قلت هاعتزل كل شيء وليس الفن".
وتابعت:"قفلت تليفوني تماما ومبصتش فيه تماما وقعدت كام يوم أكتر من اسبوع مش بمسك الموبايل ولا بتفرج علي التليفزيون لإني مكنتش منتظرة حاجة تخليني اقطع اجازة الاعتزال، وأهلي مكنوش بيسكتوا وكانوا بينقلولي ردود افعال الناس ولكن الحب اللى وصلي خضني وخلاني ارجع واشكر كل حد من زمايلي واهلي واصحابي والجمهور اللى كتبولي كلمة كويسة فرقت معايا وده حركني واثر فيا وخلاني اشوف ان الصورة مش بس سودة زي ما انت كنت شايفة".
وقالت ميرهان حسين في برنامج كلام الناس عبر شاشة إم بي سي مصر: رفضت دور في مسلسل ضرب نار للعوضي وياسمين عبد العزيز، لأن آخر حاجة كانت اتعرضت عليا مسلسل الونش، وكان دور بطولة واشتغلت على الدور جدا، وأشبعني فنيا، ولكن دوري في ضرب نار مكنش مناسب حاليا ليا، ومكنش ثانوي ولكن مكنتش حابه أقدمه بعد نجاحي في الونش.
تصريحات ميريهان حسين
وأضافت ميرهان حسين: أنا بعمل اللي شايفاه صح ولما بعتذر بقول أسبابي الحقيقية أيا ما كانت، ومش بلف ولا أدور ولو بنتعامل رسمي محدش هيزعل مني، لأني في الأول اتحصرت كتير في أدوار محددة، ومعتمدة على مواصفات شكلية وأنا كان نفسي أمثل وكنت بطلب دا ونفسي ألاقي دور أظهر فيه موهبتي.
أزمة الوسط الفني
ولفتت ميريهان حسين:"الفن المفترض يخضع لمعايير الموهبة والكاريزما ولكن الوسط الفني في مصر يخضع لمعيار العلاقات بس دي متجوزة منتج أو رجل اعمال أو دول ابناء فنانين، واصحاب الموهبة مش واخدين حقهم".
سبب رفض ميرهان حسين المشاركة في مسلسل ضرب نار
وقالت ميرهان حسين في برنامج كلام الناس عبر شاشة إم بي سي مصر: رفضت دور في مسلسل ضرب نار للعوضي وياسمين عبد العزيز، لأن آخر حاجة كانت اتعرضت عليا مسلسل الونش، وكان دور بطولة واشتغلت على الدور جدا، وأشبعني فنيا، ولكن دوري في ضرب نار مكنش مناسب حاليا ليا، ومكنش ثانوي ولكن مكنتش حابه أقدمه بعد نجاحي في الونش.
وأضافت ميرهان حسين: أنا بعمل اللي شايفاه صح ولما بعتذر بقول أسبابي الحقيقية أيا ما كانت، ومش بلف ولا أدور ولو بنتعامل رسمي محدش هيزعل مني، لأني في الأول اتحصرت كتير في أدوار محددة، ومعتمدة على مواصفات شكلية وأنا كان نفسي أمثل وكنت بطلب دا ونفسي ألاقي دور أظهر فيه موهبتي.
ميرهان حسين تتحدث عن سبب
ماجدة خير الله تنتقد اعتزال ميريهان حسين الفن
وكانت قد علقت ماجدة خير الله على اعتزال الممثلة الشابة ميرهان حسين، وكتبت خير الله عبر حسابها الشخصي بـ فيس بوك: "لما سير دانييل داي لويس، الحاصل على تلاتة أوسكار وتاريخه السينمائي زاخر بالأفلام العظيمة، قرر اعتزال الفن فجأة بدون إبداء الأسباب، الدنيا ما قامتش وقعدت، والناس احترمت قراره وخلاص، تقوم لما ميرهان حسين تعلن اعتزالها الناس تقف على رجل، وكأن الفن هينهار من غيرها!".
وتابعت ماجدة خير الله: "هو إيه الفراغ والهوان اللي بقينا فيه ده؟ قليل من العقل والضمير بقى الحكاية مش ناقصة هيافة".
