بوسي تكشف مفاجأة عن طليقها: ضربته.. وطلب مني حجات مينفعش أقولها

تحدثت الفنانة والمطربة بوسي، عن تفاصيل حياتها مع طليقها، مؤكدة أنها كانت تعيش أصعب فترة في حياتها، وأن طليقها كان يمنعها من زيارة أهلها وأصدقائها حتى لا يسيطر أحد على تفكيرها، وكانت تقوم بدور السيدة والرجل في وقت واحد.

كواليس طلاق بوسي 

وقالت بوسي في تصريحات تلفزيونية: أنا اتجوزت وأنا عندي 19 سنة وكان مقفول عليا أوي لدرجة إني مكنتش بشوف أهلي، كان مانعني من أصحابي وكل الناس عشان يكوش عليا ومحدش يلعب بدماغي ولا يفوقني ولا ياخد منه السبوبة، وبعد ما انفصلت بقيت عايزة أعيش حياتي، ولكن بخاف على سمعتي.

وأضافت أنها تعدت عليه بالضرب عندما خانها، لتؤكد على أنها لم تفعل ذلك بدافع الغيرة ولكن فقط من أجل استرداد حقها لأنها لم تعتاد ترك حقها.

أما عن حقيقة استئجارها بلطجية للاعتداء على طليقها، علقت بوسي قائلة: لو حصل هقول حصل، وجايز أنه يكون هو اللي قال كده للناس وأنا مبحبش أجيب سيرته طول ما هو بعيد عني أنا تماما، وربنا حليم ستار ودي كانت علاقة راحت بحلوها ووحشها وأنا دلوقتي ست متزوجة ومعايا رجل قوي وبحترمه، وكمان في طفل من طليقي فمش هينفع أقول كلمة وحشة تخص أبوه، وهو هيكبر ويعرف كل حاجة لوحده.

وتابعت بوسي: طليقي في بداية تعارفنا، كان مدير أعمال زوجته الأولى أم بنته كانت بتشتغل في المهنة واعتزلت والتزمت في البيت، ولبست نقاب كمان وربنا نزل عليها برضاه، وهي ست متجوزة.