عين جارتها السبب.. إصابة فريدة سيف النصر بجرح في يدها بعد وجهها
أعلنت الفنانة فريدة سيف النصر، إصابتها مجددا بسبب العين والحسد، حيث أُصيبت بجرح في يدها، وطالبت جمهورها بالدعاء لها، مؤكدة أن السبب في ذلك عين جارتها.
إصابة فريدة سيف النصر
وشاركت فريدة سيف النصر جمهورها مقطع فيديو عبر حسابها الشخصي بموقع التواصل الاجتماعي فيسبوك، وقالت خلاله: "يعني أقول إيه شوفوا كف إيدي والحتة اللي بينتحروا منها قطعولي إيدي من عندها بس أنا مش عايزة انتحر، أنا والله ما فاهمة".
وتابعت سيف النصر: "الحاسدة جارتي وأنا متلخبطة برد على حفيدتي، يعني بالعقل حد هايمسك إيدي ويقطعهالي؟.. والله ما دخلت بيتها هي معدية وأنا بحاسب السوبر ماركت وبصت الناحية التانية هي عرفت خلاص من البوست الأول، وأدي التانية خايفة من التالتة بقى أكون عزلت أحسن برضه".
إصابة فريدة سيف النصر في وجهها
كانت الفنانة فريدة سيف النصر شاركت جمهورها، صور لها ظهرت فيها مصابة، وتنزف الكثير من الدماء، وسط دهشة وحزن من الجمهور والفنانين، ونسبت ما حدث لها إلى الحسد من قبل سيدة.
وقالت فريدة سيف النصر: "الحمدلله..عندي دم..ايه رأي الحبايب بقي علي صباح ربنا من كام ساعه..لابسه طرحة الصلاه وطنط بكيزه مش هقول اسمها قالت حبيت اشرب قهوتي معاكي اتفضلي وقالت ايه النور ده وشك منور ابيض بالطرحه..تصدقوا بالله راح منور احمر".
وأوضحت: "يعني ايه كوبايه تنفجر وتطير واحده في شفتي وواحده في خدي اتعذبت علي بال ماطلعت القزاز من وشي..والدم نافوره قسما بالله نافوره وخرم غريب قالت لي دمك لونه حلو نهارك كوبيا..وبصراحه بقي بطلت اقول عادي لأه الحسد مذكور في القرٱن..الله يسامحها بقي قامت مشيت
بس قالت الحمد لله ماجاتش في عينك طيب هاطلع وهاجيلك مره تانيه اطمن".
وتابعت فريدة سيف النصر:" كمان عيني والنبي ماتيجي تاني لا تانيه ولا عاشره .افتكرت كلمة ايمان الحصري نجمك خفيف دي بسيطه انتي نجمك طائر...صح والله صح.. ومش عارفه علي ايه بس استغفر الله...لاحول ولاقوة الا بالله.. الحمدلله.. خدي مش بيبطل دم ينزل ايه بقي..".
