زوجة خالد يوسف: مش بأغير عليه.. وآرائنا السياسية مختلفة
كشفت شاليمار شربتلي زوجة المخرج خالد يوسف، عن موهبتها في إنها الوحيدة التي تقوم بالرسم على السيارات، حيث تعد رسامة تجريدية، رسمت على سيارات ودخلت سباق الفورمولا وفازت، وأنها لم تشعر بالخوف على الإطلاق.
تصريحات زوجة خالد يوسف
وقالت زوجة خالد يوسف: "لو خفت من الريشة مش هتقدر املكها، وده معترج حب يا اما اللون يتحول الى عدو ويهجرك او يكون حبيب لما تقربي منه".
وأوضحت شاليمار سبب تسمية ابنتها على اسمها، قائلة: "والله مش انا اللي اخترت الاسم لبنتي، لكن اللي اختاره خالد يوسف، عمل انه رومانسي، واتفاجئت بيه بيكتب اسمها شاليمار، وهو فعلا كان وقتها رومانسي، ايام الرومانسية".
حقيقة غيرة شاليمار على خالد يوسف
واكدت شاليمار أنها لا تغير على زوجها بالرغم من تواجد بعض البنات حوله من أجل الحصول على فرصة من اجل التمثيل، قائلة: "لا خالص أنا مش بغير، أغير عليه ليه ده هو اللي بيغير، وكون ان في بنات بتقرب منه لأن ده مجاله، انا متجوزتش شيخ مسجد انا اتجوزت مخرج، وهو اتجوز رسامة، هو حواليه ناس كتير والرسامة حواليها ناس كتير، وعن قناعة ارتبطنا ببعض ، وانا أصلا شخص مش غيور ودي من مواصفات برج الدلو".
وأوضحت شاليمار انها لا تنتبه الى الشائعات قائلة: "اومال بقى اللي متجوزة دكتور نساء تعمل ايه، انتي اختارتي الحياة دي فلازم تعيشيها، انا مش بغير خالص".
وعبرت عن رأيها في التنمر قائلة:"لو خايفة من كلمة التنمر لازم ابنك تربيه يبقى نبت قوي، لما حد يتنمر عليه يعرف يرد".
وتابعت: "وانا صغيرة كنت بضرب العيال، طويلة بقى وعندي ثقة في نفسي ما انا متربية مع 4 ولاد للاسف كنت عنيفة، واي حد يعادي صحابي كأنه عدو لي، انا راجل الشلة وفتوة الشلة ومسئول الشلة وهذا امر يسعدني ".
واكدت شاليمار ان مسئولية الأمومة هي اضخم مسئولية في العالم، "عارفة يعني ايه يبقى معاكي بيبي صغنن مش عارفه هيصحى امتى وهيجوع امتى، وعمر ما في عيل بيموت نتيجة انه جعان من امه، مسئولية ربنا اعطاها للست من سابع سماء، الام عمرها ما تكون رقيقة اطلاقا، الام دي اللي لازم تكون قوية وحادة مع اولادها لكي يبحوا رجال، وانا مش مع التربية الحديثة اللي بتعملها امات اليومين دول، لازم الام تبقى قوية مش ضعيفة، والام اللي تتعامل مع ابنها بالشوكة والسكينة متبقاش أم، كلمة الضنا غالية جدا، ربنا سمى اسمه الرحمن من الرحيم".
وعن دور الفنانة هالة صدقي في مسلسل "جعفر العمدة" بشخصية "صفصف" كانت قالت:"انا لما اسمع عبدالحليم غير لما اسمع سكر محلي محوط على كريمة .. صفصف شخصية شعبية قربت من الناس وحبوها بجد، وانا وهالة صدقي شخصيتان مختلفين وبيجمعنا الحب واحنا شبه بعض، فقولت انا لو مثلت المخرج هيحتار بيني وبينها بسبب الشبه ، وهالة ممكن تكون ارق مني شوية".
وأوضحت أن الفن يسير في دم عزيزة جلال وطوال الوقت تغني عندما تريد، لكنها ليست شخصية مستهلكة وهي شخصية منضبطة وكلمتها سيف، وهي ليست شخصية منفلته في الماضي، فتركيبتها مختلفة وهي هترجع وهتغني وهتملى الدنيا غنى، وهستقبلها في المطار.
ونوهت إلى أن ليس لديها عتاب لخالد يوسف، قائلة: "ربنا يخليه ليا ولبنتي ، اعاتبه على ايه ، وانا مش رومانسية ، وانا برج الدلو ورومانسية البرج في افعالة مش في الكلام وخالد ميزان ، وانا وهو مختلفين كل واحد له اراء مختلفة بس بيجمعنا الحب ، وكل واحد فينا بيحترم اختلاف الثاني حتى لو اتخانقنا ومتكلمناش، واحنا اصلا ارائنا السياسية مختلفة"
