خاص | بعد جدل تصريح "الجوازة دي ضرتني".. هشام عاشور: الكلام السلبي ميهمنيش ببصلة

حالة من الجدل، أثارتها تصريحات لاعب الإسكواش والفنان هشام عاشور، حول انتقادات الجمهور له بعد ظهوره مع زوجته الفنانة نيللي كريم في رمضان الماضي 2023 بمسلسل عملة نادرة، بجانب ظهوره معها في مسلسلها روز وليلى.

تصريحات هشام عاشور

هشام عاشور رد خلال الأيام الماضية مازحًا في تصريحات إذاعية: الجوازة دي ضرتني.. أنا راجل بطل يعني فضلت 27 سنة بتمرن 8 ساعات في اليوم ومبفكرش في حاجة تانية، علشان كدة بقت طريقة تفكيري دلوقتي بركز على التدريب في الحاجة اللي عاوزها، ومش برد ولا بسمع لأي كلام لحد ما أحقق طموحي.

وعن حالة الجدل المثارة حول تعليقه عن زيجته من نيللي، قال عاشور في تصريحات خاصة لـ “مصر الآن”: أنا هحاول اركز على التعليقات الإيجابية، وناس كتير ركزت على كل التصريحات بتاعتي بشكل إيجابي وهو دة اللي مركز معاه.

وأضاف: أما بقي اللي مركزين معايا بشكل سلبي وبيتكلموا عني وعن كلامي بطريقة مش إيجابية، فأي حديث من دة ميخصنيش ببصلة ومش هركز معاهم.

أبطال مسلسل عملة نادرة

وشارك عاشور في مسلسل عملة نادرة، وهو من تأليف مدحت العدل وإخراج ماندو العدل، وبطولة: نيللى كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفى، على الطيب، مريم الخشت، هشام عاشور، نهى صالح، ومحمد فهيم، رمزي العدل، وئام مجدى، بالإضافة إلى عدد كبير من الفنانين الشباب.