حمو بيكا: حسن شاكوش مبيردش عليا.. وفي بنات بتعاكسني ومراتي عارفة

حل مطرب المهرجانات الشعبية حمو بيكا، ضيفاً على الإعلامية ريهام سعيد، وتحدث عن أمور كثيرة، منها علاقته بزوجته وقصة الحب التي جمعتهما، فضلاً عن حقيقة السلسال الذهب الذي قدمه لها يوم عيد ميلادها وعن خيباته في أصدقائه.

حمو بيكا يروي قصة حبه 

وخلال لقاء له مع الإعلامية ريهام سعيد، تحدث بيكا عن أسرار من حياته لأول مرة فقال :”أنا بحب مراتي، وحبيتها في 3 شهور، وعمر عيني ما زاغت، ومش بعرف أكدب عليها وهي بتفتش في كل حاجة ومديها باسورداتي وإيميلاتي، وأنا مش بعمل حاجة تزعلها، عشان مش بحبها تزعل”.

وواصل حديثه: “محدش حاول يوقع بيني وبين مراتي قبل كدا، واتعاركنا كتير، وكنت هخسر البيت كذا مرة عشان حد كدا مش عايز أجيب سيرته، واتخانقنا في رمضان ومشيت من البيت وروحت جبتها تاني”.

حمو بيكا يعلن حمل زوجته

وأعلن حمو بيكا خلال لقائه عن حمل زوجته: «بعد 3 سنين، مراتي حامل لأول مرة، وفي الشهر الرابع، وطبعًا فرحت لما عرفت الخبر».

وواصل حمو بيكا كلامه: «فرحتي هتبقى أكبر لما أشوف المولود، ولسه مش عارفين ولد ولاَّ بنت، لو ولد هسميه فهد.

حمو بيكا وحسن شاكوش

بيكا تحدث عن أزماته مع أصدقائه، وقال إن الأزمات التي مر بها معهم كثيرة خلال الفترة الماضية،: "مش عايز أتكلم عن الصحاب، ناس كتيرة أكلت معاهم عيش وملح، ولا واحد ساعدني بأي شيء".

وأضاف: "كنت بأجر فيلات في الساحل وأدفع 15 ألف جنيه في اليوم وأكل وشرب على حسابي، ولما اتوقفت إتخلوا عني، وعمر ما واحد خبط وقال ناقصك إيه".

وكشف حمو بيكا عن تعرضه لتهديدات من أحد أصدقائه بسبب حاجته للمال قائلا: "أنا مستهدف والناس مركزة معايا وعايزين ياكلوني، وفي ناس لو تطول تموتني".

كما أكد أن مطرب المهرجانات حسن شاكوش، لا يرد عليه، بعد تصريحاته ضده في شيخ الحارة، مؤكدا أنه كان خائفا عليه ولا يريد سوى مصلحته ولم يقصد الإساءة.

حمو بيكا وزوجته

تحدث حمو بيكا عن هدية زوجته، وكشف حقيقة إهدائه كيلو ذهب لزوجته في شكل القلادة، ورد قائلا: "لو الناس فاهمة إن كل حاجة ذهب خليهم، وعايز أقول للناس سيبوا الملك للمالك، واسعد مراتك ولو بحاجة صغيرة".

وأضاف: “السلسلة مش كيلو، كيلو الذهب بأكثر من مليون جنيه والمبلغ ده مش معايا، وهي إدتني ورثها كله وجبتلها بيه سلسلة”.
https://fb.watch/l7XT_Odq5T/