فرحي اتحسد.. حسن شاكوش يعلّق من جديد على خلافه مع زوجته ريم
تحدث مطرب المهرجانات حسن شاكوش عن أزمته الأخيرة مع زوجته ريم طارق، والتي تصدرت التريند على وسائل التواصل الإجتماعي، بعدما وصلت إلى المحاكم.
تصريحات حسن شاكوش:
وقال حسن شاكوش خلال لقاء تلفزيوني: "أي حاجة شخصية مش هينفع أتكلم فيها لأن في الأول والآخر لو اتكلمت هتكلم على عرضي ودي حاجة شخصية بيني وبين بيتي، واللي حصل معانا حسد، لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء".
خلاف حسن شاكوش وريم طارق:
وأضاف:"يا ريت اللي ما يعرفش حاجة ما يتكلمش..ووجه حسن شاكوش رسالة إلى منتقدي أزمته مع زوجته قائلًا: "دي مسائل شخصية ويا ريت اللي ما يعرفش حاجة ما يتكلمش، لأن أنا اللي عايش وأنا اللي شايف كل حاجة ومحدش عارف حاجة ويا ريت اللي بيتكلم يقول كلمة الحق في الأول والآخر اللي هتعمله هيقعد ليك ولعيالك وطالما مشافتش حاجة ماتتكلمش، لأن لو ظلمت هتتظلم في أعز ما ليك، فاتقي الله في عيالك وفي نفسك وفي بيتك وما تتكلمش على حد ما دخلتش بيته".
وأكد حسن شاكوش أنه قدم على غناء ساخرًا من جملة عبستك إزاي وأنت مش بستاني، مضيفًا: "كنت بهزر وسعدت أن نادي استون فيلا نزل الكلمة دي على الصفحة عنده وطلعت أهزر مع الناس".
