أول ظهور اعلامي لشيرين عبدالوهاب بعد أزماتها الأخيرة

تحدثت الفنانة شيرين عبدالوهاب عن فترة اختفائها، مشيرة إلى أنها كانت في حاجة إلى إجازة من الشهرة والغناء وفترة نقاهة.

وقالت شيرين عبد الوهاب خلال لقائها في برنامج ET بالعربي: أنا بشتغل من وأنا 13 سنة، وبقالي 25 سنة مشهورة، والشهرة كانت كبيرة عليا رغم إنها كانت سنين حلوة، وكنت محتاجة إجازة، ولكن بحس إني بنت الجمهور لأنهم عملوا اسمي ووحشتهم زي ما وحشوني ومن كتر الدعم والحب اللي شوفته منهم.

وواصلت: الناس كلهم كانوا خايفين عليا حتى الفنانين كانوا زي الجمهور وعايزني أرجع، وأنا ربنا كرمني بـ حب الجمهور والفنانين، وبحس أن كل البنات بناتي وأني بنتهم، وربنا ما يحرم أي شخص من ضحكته.

وعن سر غيابها، قالت: أنا رجعت لـ حياتي كأني سمكة رجعت للبحر، وسبب غيابي كان يرجع إلى ظروف نفسية أكبر مني مريت بيها، والاختفاء كان جزء من نقاهة بقالي سنين محتاجاها وما زلت تعبانة نفسيًا شوية وبتعافى وبالفعل تعافيت كتير عن الأول.

وكانت شيرين قد أعلنت عودتها بـ أغنية جديدة تحمل اسم عودتني الدنيا، من كلمات أحمد المالكي وألحان تامر عاشور، وتوزيع نابلسي ومن المقرر طرحها قريبًا، كما تحيي شيرين عبد الوهاب حفلًا يوم 28 إبريل الجاري في دبي.