إيمان العاصي: خايفه أقابل الناس ومستخبية في البيت

عبرت الفنانة إيمان العاصي عن سعادتها بنجاح دورها في مسلسل جعفر العمدة، وهي شخصية دلال، التي تقدمها مع الفنان محمد رمضان كزوجة له في المسلسل، والذي ينافس به في موسم دراما رمضان 2023.

تصريحات إيمان العاصي عن شخصيتها دلال 

وقالت إيمان العاصي، أثناء استضافتها في برنامج تفاعلكم على قناة العربية:" مش عارفه لسه أتعامل خالص مع الناس ومستخبية في البيت وخايفة أقابل الناس.. بس أنا مخضوضة زي الناس، والجمهور مسميني حسناء الشعبية، وحابين حالة الحب بين دلال وجعفر وإنها الحضن الحنين بتاعه، ومرة واحدة اتفاجئوا إنها هي سبب الشوكة اللي محطوطة في ضهره طول العمر".

وأضافت إيمان العاصي: "كنت متوقعة النجاح من وإحنا بنقرأ المسلسل وبنعمل بروفات، وأستاذ محمد سامي كان عنده طاقه بيوزرعها على فريق المسلسل كله وإننا هننجح نجاح منجحناهوش قبل كده وهنفضل مبسوطين 10 سنين قدام بالنجاح ده، وكنت عارفه إن فيه نجاح قوي، بس مش متخيلة بالطريقة العظيمة دي كل يوم عندنا نجاح وحكاية والجمهور بيكتر ويكبر كل يوم".

إيمان العاصي دور دلال كنت مستنياه

وتابعت إيمان: "دايمًا بتحط في دور البنت الحلوة والرومانسية والكيوت وأنا ده عملي أزمة وخلاني أقعد كتير أتعطل لأن مفيش حاجة تانية أضيفها لكاركتر الكيوت، وحسيت إن دور دلال حاجة بدور عليها طول عمري وبدور عليه من بداية مشواري الفني ولقيتها وبقيت ماسكة فيها بكل قوتي وإن دي فرصتي".

وأشاد الفنان مجدي بدر بدور إيمان العاصي في شخصية دلال، قائلا: "لو مكنتش عملت دور بلال شامة كنت عملت دور دلال، ودور إيمان العاصي كان مفاجأة لي، وكل واحد في المسلسل عامل شخصيته بشكل جيد، ومحمد سامي عنده الوقت إنه يعيد الشخصيات، إذ كان ليا رأي إن ممكن أقوله إن القيادات في المتحدة حاسس إن عندهم قرار إن مفيش عمل هيخش الموسم المقبل من غير ما يكون كامل".