منة فضالي: ياسمين صبري معندهاش موهبة التمثيل (فيديو)

حلت الفنانة منة فضالي ضيفة في برنامج "Vip"، الذي تقدمه الإعلامية أميرة بدر على شاشة “هي”، وتحدثت عن تمثيل الفنانة ياسمين صبري والأداء التي تقدمه في الأعمال التي تشارك بها.

تصريحات منة فضالي عن ياسمين صبري

وقالت منه فضالي: "ياسمين صبري حلوة فعلا ماشاء الله وشيك ولكن التمثيل عايز موهبة، ولو أنا معنديش موهبة يبقى أدرسة مش عيب، وممكن يبقى بادئة انهارده بس مينفعش أعمل بطولة، لأن القماشة بتبقى واسعة على البني آدم".

وذكرت أن ياسمين صبري موديل جيدة ولكنها ضعيفة في التمثيل، مضيفة: "لو عايزة أمثل وأبقى نجمة ونمبر وان زي ما هي عايزة تبقى بطلة، أشتغلي على نفسك عشان محدش يعلق عليكي، هي ممكن تكون ممثلة جيدة ولكن مش موهوبة"

وتابعت منة : "الموهوبة دي هتلاقيها تلقائي بتمثل طبيعي، مغلطتش فيها وبتشرف مصر وبتعمل فوتوسيشن موديل حلوة طبعا، جاتلها فرصة مع محمد سامي في مسلسل كبير ولكن معرفتش تحافظ عليها، وأنا مقبلش اسمها يسبق اسمي على تتر
اسمها يسبق اسمي على تتر".

نجمة كبيرة تحارب منة فضالي 

وكشفت منة فضالي، عن محاربة نجمة كبيرة لها في الوسط الفني، والتي قررت مؤخرًا عدم التعامل معها ثانية لما تسببه لها من ضرر، موضحة:"في ناس كتير حاربتني ومنهم نجمة كبيرة جدًا وكبيرة سنًا، ومعنديش فكرة ليه بتعمل كدا، ومواجهتهاش واشتغلنا مع بعض كتير
جدًا، وهي من زمان بتعمل معايا كدا".

واستكملت: "مؤخرًا كان عندنا مسلسل في دولة عربية وأنا بطلة المسلسل والمنتج نفسه اتضايق، كلمني عليها قولتله دي جميلة أوي وهتضيف للمسلسل، قالي أنا اتضايقت أوي من ردك يا منة دي مقالتش عليها كدا وقالت كلام مش لطيف، وطلبها قدامي وقالت عني كلام مش لطيف، وحشة أوي من جواها أسود".

واستطردت منة فضالي: "ممكن تكون كبرت وخرفت بقولها داين تداين ولما تقطعي رزق حد ربنا مش هيباركلك، كان جايلها إعلان وطلبوا مني أجبها وقولتلهم لأ وجبت غيرها وعمل وقولت لأ ، ومتعرفيش امتى هضرب ضربتي، أنا قوية جدًا وبعرف أمتى أخد حقي، الجشع والكدب والنفاق مش تبعي، وصراحتي بتخسرني ناس كتير، في حاجات ممكن أكدب فيها عشان مخسرش الطرف التاني، ممكن أكون قد حفيدتها، وهي أخر حساباتي وأقولها كلي في نفسك".