بسبب رفضه التلامس.. نهى العمروسي ليوسف الشريف: شفلك شغلانة تانية
علقت الفنانة نهى العمروسي، على تحريم بعض الفنانين والفنانات للفن بعد اعتزالهم، أو رفض التلامس والقبلات في السياق الدرامي.
وقالت العمروسي، خلال لقائها مع الإعلامية أميرة بدر ببرنامجها "Vip" المذاع على شاشة "هي": "بشوف الناس دي مش محترفين، ميفنعش أدخل على اللي بيمثل دور أبويا وأنا راجعة من السفر ميحضنيش، مينفعش أكون قاعدة في البيت بالأشرب، المحجبين مبيقعدوش في البيت بالأشرب، مينفعش واحدة بتعمل دور أختي في مشهد محضنهاش مينفعش إحنا بنمثل".
وتابعت: "مشفتش تعليق حنان ترك على اعتزالها بس بعيد عن الشخصنة أنا مش موافقه على المبدأ، إنما ممنوع اللمس طب أنت بتمثلي ليه".
وواصلت: "يوسف الشريف بيرفض التلامس، هو حر وأنا لازم أحترمه بس أنا حرة إني أقول لا أنه مش محترف وده مش فن، مينفعش انت تحطلي شروط وأنت شايف إن ده حرام متلعبهاش خالص لكن انت راضي إنك تشتغل الشغلانة دي تشتغلها بمصداقية أو تشوف شغلانة تانية".
وكشفت نهى العمروسي، موقف جمعها بالفنانة فاتن حمامة في مسلسل “ضمير أبلة حكمت”: “أنا لبسي كان شيك شوية عن الدور اللي بعمله كنت بعمل مدرسة ألعاب وهي كانت عايزة لبس أبسط وده في مسلسل أبلة حكمت، وهي محترمة جدا ورايقة وواخدة بالها من كل حاجة، والمفروض إن في ناس تبقى واخدة بالها من الحاجات دي مش فاتن حمامة إنما هي واخده بالها من كل كبيرة وصغيرة”.
برنامج vip يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.
موضوعات متعلقة
