فاروق فلوكس يتعرض لوعكة صحية شديدة ويخضع لجراحة

طالبت ابنة الفنان فاروق فلوكس، متابعيه بالدعاء له عبر حسابها الرسمي بموقع فيسبوك، بعد دخوله غرفة العمليات إثر تعرضه لوعكة صحية شديدة. وقالت يسر ابنة فاروق فلوكس: عم فلوكس بيعمل عمليه دلوقتي من فضلكوا ادعوا ليه يقوم بالسلامة ربنا يحفظك يا بابا يا اغلي حد عندي في الدنيا لا احتاج الا للدعوات. وكان فاروق فلوكس قد اعتذر أخيرا لنجله الفنان أحمد فلوكس، بعد تصريحاته الأخيرة بأن ابنه يتجاهله ولا يتواصل معه، ويتزوج دون علمه، وأكد نجله أحمد أنه تم استغلال والده للإساءة إليه شخصيا وإظهاره كشخص مجنون. ورد فلوكس على والده قائلًا: هما مستوعبوش كلامك، عايزين يطلعوني مجنون فتمام، أنا عارف اللعبة اللي دي اللي بيعملوها، وهما مش هيفهموا، لما يكون عندي مشكلة مش هاجي أقولك أنا بمر بظرف كذا، لأن المفروض مقولكش مشاكلي، وهما عرفوا يشحنوك وياخدوا كلام معين منك، بناء على سنك أنك كبرت. ليوجه له والده فاروق فلوكس رسالة اعتذار، قائلًا: أرجوك متزعلش مني، ليرد عليه نجله أحمد: جزمتك فوق راسي، متشيلش جواك، دي لعبة ملكش ذنب فيها، أنت عارف إني بحبك جدًا، ومقصرتش معاك، ولو مجتش البيت عندك لظروف معينة أنت عارفها كويس، وأنا مش هطلع أشرح، وأتكلم في بيتي وحياتي الشخصية.