كهربا: بيراميدز عرض عليا راتب سنوي يتخطى 30 مليون جنيه في الموسم ولكن اخترت الأهلي
كشف محمود كهربا عبر اون تايم سبورت أن ممدوح عيد رئيس نادي بيراميدز عرض عليا 30 مليون جنيه وقررت الإنضمام للأهلي رغم ان الراتب المعروض أقل من نص الرقم ده.. ومستعد ألعب للأهلي حتى لو ببلاش.
ووجه سيف زاهر سؤال، أنت قولت إنك مجددتش للزمالك عشان كنت طالب 20 مليون، بس أنت في الأهلي مبتاخدش ال20 مليون، محمود كهربا: أنا ألعب في الأهلي ولو ببلاش، أنا مجنون أهلي.
وقال محمود كهربا، مكنتش هدفع الغرامة للزمالك دلوقتي والموضوع كان هيطول سنتين أو تلاتة لكن الكابتن حسين لبيب كان سبب إن الغرامة اتدفعت، ودفعت مبلغ وقسطت مبلغ.
وأضاف محمود كهربا مع سيف زاهر، إمام عاشور كان بياخد رأيي إنه ييجي الأهلي، قولتله تعالى طبعًا والفريق كله هيساعدك، إمام دلوقت أحسن لاعب في مصر وكلنا بنساعده.
وأردف كهربا، محمد الشناوي جمعنا قبل ماتش نهائي كأس مصر، وقالنا إن اللاعب اللي هياخد جائرة رجل المباراة المقدرة ب 50 ألف دولار، الفلوس هتتوزع على كل اللاعبين الموجودين في المعسكر.
وأكمل محمود كهربا عبر أون تايم سبورتس أن الخطيب وكولر رفضا فكرة انضمامي للحزم السعودي.
