السيسي: فيه دول مش قادرة تقوم من التحديات
قال الرئيس عبد الفتاح السيسي، رئيس الجمهورية، إن الدولة المصرية واجهت العديد من التحديات منذ عام 2011 حتى الآن، مضيفا: “لازم تعرفوا يعني إيه دولة وكانت بتواجه تحديدات كبيرة، التحديات دي كانت كفيلة إنها تنهي دول زي ما أنهت دول لغاية دلوقتي موقفتش على حالها”.
وأردف الرئيس السيسي أثناء دخوله لقاعة احتفالية حكاية وطن المنعقد بالعاصمة الإدارية الجديدة: “أنا بكرر الكلام ده كتير، والناس بتقولي بتكرر الكلام كتير ليه، بكرره للتذكرة، عشان قدام ربنا أقوله قولت وبدل المرة 100 مرة، البلاد مبتعيش وتكبر وتنمو كده، تكبر بأمل وإخلاص وأمانة وتضحية، مش بالكلام”.
كما حرص رئيس الجمهورية، على الترحيب بحضور مؤتمر حكاية وطن، بقوله: “بنرحب بكم جميعًا، وسعداء بوجودكم، النهارده وبكرة وبعده، إن شاء الله هنحكي حكاية بلدنا، وكان فيه حوار وطني أطلقنا السنة اللي فاتت عشان نسمع لبعض”.
وقال السيسي أثناء دخوله لقاعة احتفالية حكاية وطن المنعقد بالعاصمة الإدارية الجديدة: “النهارده إحنا هنحكيلكم الحكاية بتاعت مصر من 2011 لحد النهارده، عشان تعرفوا وأكيد إنتم عارفين ومتابعين، بس إحنا هنقول من منظور الدولة”.
وصل منذ قليل الرئيس عبد الفتاح السيسي رئيس الجمهورية، إلى مقر انعقاد مؤتمر حكاية وطن، والمنعقد الآن بالعاصمة الإدارية الجديدة.
ويفتتح الرئيس عبد الفتاح السيسي، مؤتمر حكاية وطن بين الرؤية والإنجاز، بحضور عدد من الوزراء المعنين والقادة التنفيذيين.
