سعيد جميل: الراجل بيشجع التفاصيل الحلوة.. والخيانة درجات

تحدث الإعلامي سعيد جميل مع الإعلامية رضوى الشربيني في برنامج هي وبس، المذاع على قناة cbc سفرة، عن رأيه في العديد من الموضوعات والمواقف التي تمر بها العلاقات العاطفية.

تصريحات سعيد جميل

وأشار سعيد جميل في بداية الحلقة إلى أنه تجمعه علاقة صداقة برضوى الشربيني منذ ما يقرب من 22 عاما، ومرا سويًا بالعديد من الصعاب.

وعن رأيه في خيانة الرجل، قال سعيد جميل: فيه كلمات تقليدية زي الراجل خاين بطبعه والست نكدية، ومينفعش نطلق الأحكام عامة، الخيانة درجات.

لترد عليه رضوى الشربيني، قائلة:  لو الراجل خان يبقى الباب يفوت 100 جمل.. فيه 7 بليون راجل على الكرة الأرضية هنلاقي راجل مش خاين لأن مش كلهم خاينين الست مش نكدية البخل يعدي أي حاجة تانية تعدي إلا الخيانة، ليجيبها سعيد: ليه بننزل في أول محطة ومش بنكمل باقي الخط؟ ليه أول محطة غلط بننزل ديه أول خيانة لسه؟

وعبّر سعيد جميل عن مشكلة فتاة تنزعج من متابعة الرجل للسيدات المارة بعينيه، ليرد قائلًا: مش معنى إني ببص على واحدة تانية يعني مبحبكيش ومبحترمكيش.. الراجل بيحب يشجع اللعبة الحلوة ويشوف التفاصيل الجميلة، ولكن البصة متكملش أكتر من 30 أو 40 ثانية، مفيش راجل مبيبصش، بس فيه راجل اتقفش وفيه راجل لا، احنا مش زي بعض ومش متساويين، الست عندها حاجات تانية بتعملها والراجل بيسبها.