عمرو يسري: أمي شافتني ممثل أول مرة بعد 30 سنة في المجال
تحدث الفنان عمرو يسري عن الفن ومشواره في أعماله الدرامية، مؤكدا أنه ما زال لم يحقق طموحه الفني، ومع ذلك لم يندم على دخول الوسط الفني.
تصريحات عمرو يسري
وقال عمرو يسري، خلال استضافته في برنامج المنسي تقديم الإعلامية إنجي هشام، المذاع عبر شاشة قناة “هي”: "أنا معملتش حاجة علشان احققها، أنا 33 سنة وسط كأني معملتش حاجة، أنا لسه مستني بس الحلم بالنسبالي مبقاش زي زمان، بمعنى إني أنا الفن خد مني سني وعمري ومدانيش مش ندمان عليه ولا عمري ندمت على حاجة أنا عملتها في حياتي في يوم من الأيام، ولا ندمت على أي عمل عملته لأني بعتبر العمل ده ابني واتعلمت واستفدت منه، لكن تيجي تقوليلي غرورك الفني أقولك معملتش أي حاجة أنا لسه بحبي".
وتابع: "ممكن أكون حزين مش زعلان بس، ولكن عشان الطاقة الكاملة اللي جوايا متفرغتش والمخزون الفني اللي عندي مطلعش هتقوليلي نفسك تعمل دور إيه هقولك أدوار إيه؟، أنا لما عملت دور 10 مشاهد في شارع 9 كان بالنسبالي عمرو يسري تراجيدي، تعالى وري الناس عمرو يسري التراجيدي كان لأول مرة اسمعها من أمي".
واختتم يسري قائلًا: "اتصلت بيا قالتلي أول مرة أشوفك يا عمرو ممثل، تخيلي 30 سنة عارفة إنك ممثلة وبعدين تيجي تقولك أول مرة أشوفك ممثل، مقتنعة جدا بالدور وبتقولي عمرو استمر على الحته، دي قلتلها مش بإيدي المسألة مسألة مخرجين ورؤية".
