جواهر تتغنى في آمال ماهر: مفيش حد يقدر يغني زيها.. هي صوت مصر
تحدثت الفنانة جواهر عن رأيها في لقب صوت مصر، والفنانة الأشمل من وجهه نظرها بين أنغام وشيرين وأمال ماهر قائلة:"مش الاهرامات تلاتة ؟ هما التلاتة زي بعض مفيش حد يقدر يغني زي آمال ماهر آمال لما بتغني للست حبيتها جدا وحبيتها أوي أوي وبتمنالها النجاح من قلبي والاستايلست بتاعها كان بتاعي في فترة من الفترات كنت بقوله أنا نفسي تغني ليا حاجه هي فعلا صوت مصر".
تصريحات جواهر
وتحدثت عن أنغام في حوارها مع الإعلامية انجي هشام في برنامج المنسي:"أنغام بلا منازع لكن شيرين صوت حنين وحساس مفيهوش ولا غلطة بس ربنا يهديها لنفسها إنما هي كفنانة مفيش ولا غلطة في غناها".
وتابعت:"شيرين من حقها تزعل إن اللقب ده يروح لأنغام وانغام من حقها تضايق لو شيرين قالت نمبر وان لا صعب بينهم هما الاتنين تقارني في فرق لما تكون دي مطربة ودي مؤدية لكن لما يكونوا هما الاتنين مطربين صعب".
وعلقت على صوت أصالة :"هي صوتها حلو وعندها عرب بتدبحني وعندها أبعاد في صوتها رهيبة ومنقدرش نقلل من شأنها لكن خلينا دلوقت في شيرين وآمال ماهر وأنغام صعب جدا نقول مين اقوى من مين".
واختتمت قائلة:"انغام لما تسمعيها متقدريش تقولي غير أنها صوت مصر الأول شيرين صوت حساس بلا منازع وآمال ماهر تقولي يلا نسيب كل حاجه ونقعد نسمعها صعب تصنفي ما بينهم، مش الاهرامات تلاتة يبقي خلاص هما التلاتة زي بعض وبصراحه محبش يتقال فلان صوت مصر وفلان لا ".
