هاني رمزي: مفيش زجاجة مياه بـ 200 جنيه في الساحل الشمالي

كشف الفنان هاني رمزي، تفاصيل جديدة عن ثورة 30 يونيو وجماعة الإخوان المسلمين، وتطرق للحديث عن قضائه الإجازة الصيفية في منطقة الساحل الشمالي وهجوم الجمهور عليه.

تصريحات هاني رمزي

وقال هاني رمزي في تصريحات تليفزيونية: الإخوان نفسهم يضايقوني من زمان ويدخلوا يشتموا على أي خبر أو عمل فني ليا، نفسهم يعملوا أي دربكة حواليا ويقولوا أهو ساب البلد بعد لما شارك في ثورة 30 يونيو.

وأضاف هاني رمزي: إحنا مش هنسيب البلد زيكم يا بتوع الإخوان، انتوا هربانين، وشرف لينا إننا شاركنا في 30 يونيو، تغريدة الدكتور خالد منتصر اتفهمت غلط إحنا هنسافر كندا في اَخر 9 علشان نساعد بلدنا ونقابل العظماء.

وعن وجوده في الساحل الشمالي وهجوم الجمهور عليه: مفيش غلاء في الساحل الشمالي زي ما بيقولوا وأنا قاعد في الساحل الشرير والحاجة اللي بجنيه سعرها هنا بجنيه وربع مش أكتر، ومفيش زجاجة مياه بـ 200 جنيه.

آخر أعمال هاني رمزي

يعد مسلسل العائدون آخر أعمال هاني رمزي، وعرض العمل في السباق الرمضاني 2022، وضم عدد كبير من النجوم أبرزهم، أمير كرارة، أمينة خليل، محمود عبد المغني، هاجر الشرنوبي، وعدد آخر من الفنانين، وشارك عدد من ضيوف الشرف أبرزهم، محمد ممدوح، إسعاد يونس، وغيرهم من النجوم، والعمل من تأليف باهر دويدار وإخراج أحمد نادر جلال.