مفاجأة.. مرتضى منصور يكشف سر هزيمة الزمالك في مباراة القمة أمام الأهلي

كشف مرتضى منصور عن سبب ازدهار النادي الأهلي الفترة الماضية منذ الخسارة أمام صن داونز، مؤكدا أن السحر والشعوذة هما سبب تدهور مستوى الزمالك الفترة الماضية، وخاصة في مباراة القمة الأخيرة.

وكان الزمالك قد خسر مباراته أمام الأهلي، وذلك في إطار المباراة المؤجلة من الأسبوع الواحد والثلاثين من عمر مسابقة الدوري الممتاز.

وقال مرتضى منصور في تصريحات تلفزيونية عبر قناة الزمالك:”اللي بيحصل فينا الموسم ده مش طبيعي، أنا عايز أسال حاجة، الأهلي السنة اللي فاتت خسر كل البطولات، الشحات اللي جابوه برقم كبير كانوا هيبعوه، قفشه كان هيبعوه، تاو ده كان هيتباع، دلوقتي فجأة بقوا عملاقة، أنا مش هقول منشطات، بس في حاجة مش طبيعية”.

وتابع:”الأهلي بعد ما خسر 5 من صن داونز، فجأة لاعب الهلال يضيع بلن، ويروح يلاعب الرجاء اللعيبة مدغدغة والترجي الجماهير تضرب بعض، والنهائي محدش شاف الهدف وهو بيخش، وغيرها وغيرها وغيرها، حاجة غير طبيعية، في واحد بعتلي رسالة أهو، بعتلي صورة الساحر اسمه رجب بحة منين؟ أهو الفيوم بلد الواد سيد عبدالحفيظ، ياريت حد من الفيوم يقولي مفيش حد بالاسم ده”.

وأتم:”لا أنا أكسب الأهلي امبارح، لو لاحظتوا امبارح، العارضة على اليمين، هما كانوا بيلعبوا في السلام، راحوا غيروه للقاهرة، علشان يتحكموا فيه، الشغل امبارح كله كان على العارضة، الناس بتقول مش عايزين حجج، انتوا مؤمنين بالقرآن ولا لأ؟”.