حسام حبيب: علاقتي بقت كويسة مع شيرين لما الوحشين بعدوا عننا

كشف الفنان حسام حبيب، طبيعة علاقته مع زوجته المطربة شيرين عبدالوهاب، وأكد أن الأمور باتت أهدأ بينهما، بعد ابتعاد الأشخاص السيئين عنهما.

وقال خلال برنامج ET بالعربي: في ناس وحشة لما بعدوا عننا الحمد لله الحياة ظبطت، وأنا حاسس أني بحب شيرين أكتر ما هي بتحبني، وبعد نجاحها قلتلها أنا عايز أشتغل تاني، وعملنا أغنيتين جداد

وعن سبب مغادرة إيهاب صالح موقعه كمدير أعمال لشيرين عبد الوهاب، منذ أيام، وتحديداً بعد حفلها الناجح في جدة ضمن فعاليات موسم الرياض.

حسام حبيب وشيرين عبدالوهاب

وقال حسام حبيب في تصريحات لبرنامج ET بالعربي : "إحنا دلوقتي في مرحلة شيرين حجم شغلها مينفعش يديره فرد، وبنعمل مؤسسة تدير شيرين، مكونة من فريق كبير، وشخص فوق الفريق ويقوده، ولسه موصلناش لهذا الشخص، و وجود فريق كويس هيفرق أوي في شغل شيرين".

https://www.instagram.com/reel/Cs5eJabAxyE/?igshid=NTc4MTIwNjQ2YQ==

إيهاب صالح ينفصل عن إدارة أعمال شيرين عبد الوهاب

وكان قد أعلن إيهاب صالح انفصاله رسميا عن إدارة أعمال الفنانة شيرين عبد الوهاب من خلال بوست نشره عبر حسابه الرسمي بموقع “تويتر”.

وكتب إيهاب صالح: “جمهور شيرين العظيم، الحمد لله على نجاح حفل جدة كما كان متوقع وده العادي بتاع شيري في أي حفلة... أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الأول، وطبعا بعد كدة ليا”.

وتابع: “قررنا إن من الأفضل لينا إن نحط صداقتنا والعشرة قبل أي حاجة، وإني ابتعد عن إدارة أعمالها، وده أكيد لمصلحة الطرفين ولينا أسبابنا، مبروك وشكرا يا شيري من كل قلبي ويارب أكون كنت على قد وعدي.. وكلمتي ليكي إنى دايما في ضهرك، والحمد لله الدنيا دارت من أول وجديد وتكسري الدنيا، حفلة بعد حفلة وخلاص أهو الالبوم على أبواب، ومتأكد إنه هينجح نجاح غير عادي”.