اتجوز يهودي وبنام جمب ماما في السرير .. تصريحات نارية لـ ناهد السباعي في عيد ميلادها الـ 36

تحتفل الفنانة ناهد السباعي، اليوم 25 مايو بعيد ميلادها الـ 36، فهي من عائلة فنية، وحفيدة الفنان فريد شوقي، والفنانة هدى سلطان، وابنة المنتجة ناهد فريد، وخالتها الفنانة رانيا فريد شوقي.

تصريحات ناهد السباعي

تشتهر ناهد بتصريحاتها المثيرة للجدل، كما أن قراراتها سريعة في الأمور التي تخص حياتها الشخصية، ودائما ما تتصدر تريند التواصل الاجتماعي، بحديثها.

ومن بين تصريحاتها الجريئة، حديثها عن هروبها يوم زفافها، حيث قالت سابقا خلال حوارها مع الإعلامية أميرة بدر، في برنامجها VIP، المذاع عبر قناة هي: لو علمتم الغيب لاخترتم الواقع، وأنا متأكدة أن اللي أنا فيه أحسن بكتير.

وأضافت: والحياة اللي كنت هبقى فيها مش مناسبة ليا ومش شبهي، أنا كنت غلطانة ويمكن إني اتصرفت متأخر شوية وكان لازم أعمل كده بدري ومفيش حد بيتعلم ببلاش وأنا تحملت نتيجة اللي أنا عملته.

سر تركها خطيبها

وتابعت ناهد السباعي، عن سبب قرار ترك خطيبها، قائلة: دايمًا بنات كتير بتفكر إننا نقدر نصلح أو نقدر حاجات كتير تتغير بعد الجواز وأن الحاجات مش هتحصل تاني بالشكل ده وأن الجواز هيغير، ولكن ده مش حقيقي ومفيش حد بيغير حد، بالعكس الناس بعد الجواز بتريح وبتبقى على طبيعتها أكتر، واللي استفدت منه أنه لازم البنت تحترم وتقدر نفسها وتعرف تبقى مع حد شبها، وتعرف تبقى في حياة هي شايفة شكلها مش حياة تبقى بتحلم بيها مع البني آدم اللي بتحبه وأنها هتحقق ده، لأ ده مش حقيقي، لازم يبقى في مقدمات لشكل الحياة.

ناهد السباعي: بنام جمب ماما في السرير

كما تحدثت الفنانة ناهد السباعي، عن علاقتها بوالدتها المنتجة ناهد فريد شوقي، قائلة: علاقتي بوالدتي قوية جدًا، وفي ناس بتقولي أن علاقتي بوالدتي أقوى من علاقة أي شخص تاني بوالدته ولكني شايفة أن لأ في ناس علاقتهم بوالدتهم زيي وأكتر كمان، وأنا متعلقة بوالدتي أوي لدرجة إني بنام جنبها في السرير وبحس بالأمان.

ناهد السباعي: ممكن أتجوز يهودي ومسيحي

وأكدت أنها من الممكن أن تتزوج شخص يهودي أو مسيحياً، وقالت: شايفة إننا كلنا بنعبد رب واحد وكلنا أديان إبراهيمية، ممكن اللي أنا شايفاه يبقى غلط وحرام، وأنا مش ضد الجواز من حد مسيحي.

واستكملت ناهد السباعي حديثها: لو حبيت حد يهودي هتجوزه برضو عادي، نفس موقفي من المسيحي هوافق، ولكن إسرائيلي لأ طبعا، وأنا بحب المراسم الدينية في الجواز، ومبحبش المراسم المدنية، وبحب زي ما في مراسم في الجوامع وبحب شكل الأفراح في لبنان، شفت زفة فيها أجراس وأذان، ولكن لو حاجة حرام مقدرش أعملها.

وأضافت ناهد السباعي: عشان تبقي مؤمنة لازم تبقي مؤمنة بأديان ربنا كلها، يعني أولادي يكونوا مؤمنين بالثلاث أديان، وهعلمهم الطقوس الإسلامية.