"بقعة على سرير عادل إمام".. محمود سعد يكشف سر الزعيم

كشف الإعلامي محمود سعد سرًا عن الزعيم عادل إمام، في عيد ميلاده الـ 83 الذي احتفل به أمس، وسط تهنئة من الوسط الفني.

تصريحات محمود سعد عن عادل إمام 

وقال محمود سعد خلال فيديو نشره عبر صفحته بموقع التواصل الاجتماعي فيس بوك: "عادل إمام عنده ذكاء فكري كبير وعارف أمتى يقابل ده وأمتى يتكلم مع ده وأمتى يتكلم جد وأمتى يهزر وأمتى يعمل مسلسل وأمتى فيلم وأمتى يوقف مسرحية، وكان عنده إحساس عالي، ولو قاعد في الصالة يقدر يجيب آخر واحد في آخر كرسي ومشاعره علشان كده هو نجح".

وكشف محمود سرًا عن الزعيم، موضحا:" لما عادل إمام جاب شقته في شارع نادي الصيد خد دور كبير وزوجته كانت ست في منتهى الشياكة كل ما أقوله إيه الحلاوة دي يقول لي ده ذوق هالة، ووراني أوض نوم أولاده ودخلت أوضة نومه وأدركت السر في أوضة نومه، لما لقيت بقعة على السرير نفس البقعة اللي كانت عند عبد الحليم حافظ، واللي بتدل أن السرير صاحبه بيقعد فيه كتير مش مسألة نوم بيقعد ساند دماغه على السرير  ففيه علامة في قطيفة السرير".

وأضاف محمود سعد: "ووجد جمب سريره كتب كتير وده معناه أنه بيقرأ قراءة متنوعة واتعلمت منه من غير ما أحس أني اقرأ ربع ساعة مثلا في الفلسفة وبعدين في الدين فيكون عنده أكتر من كتاب في أكتر من حاجة".