بعد أزمته مع خالد الفايد.. سيف مجدي يدافع عن هاني محروس: متصدقوش أي كلام

حرص الفنان سيف مجدي، على الدفاع عن المنتج هاني محروس بعدما أثير من جدل حول أزمته الاخيرة مع الفنان المعتزل خالد الفايد.

سيف مجدي يدافع عن هاني محروس 

وكتب سيف مجدي، خلال حسابه الرسمي على موقع التواصل الإجتماعي “الفيسبوك” : “كلمتين في حق الاستاذ هاني محروس .. طبعا مش كل الناس عارفة اني كنت مع الاستاذ هاني في الشركة وقعدنا مع بعض ٦ سنين من التعامل المحترم الطيب منه و من العائلة كلها و كنت بحريتي جدا من الناحية الدينية و انتجلي اكتر من دعاء ديني في رمضان .. ف مش اي كلام يتقال ياجماعة”.

تصريحات خالد الفايد 

وكان قد أعلن الفنان الشاب خالد الفايد، انتهاء الأزمة بينه وبين المنتج هاني محروس، حيث نشر خلال صفحته الشخصية على موقع التواصل الإجتماعي فيس بوك، قائلا: "الموضوع بيني وبين استاذ هاني محروس اتحل وان شاء الله مفيش اي حاجه وشكرا جدا لاستاذ هاني انه تفهم الوضع وقال مفيش حاجه خلاص ومش هعمل اي حاجه وربنا يقدم الخير".

وأضاف خالد الفايد: "وان شاء الله اكون في مصر خلال ايام ، وشكرا بجد ان صوتي وصل ولقينا حل مع استاذ هاني محروس وشكرا للاستاذ سيد حجاج علي تدخله وحصل خير يا شباب، وانا خلاص همسح البوستات اللي فاتت ".

وتابع؛"ادعولي ربنا يثبتني علي طريق الحق وان شاء الله ف مصر لما انزل بيتي مفتوح لاي حد من اهلي وحبايبي اللي وقفوا جمبي ودعموني، وان شاء الله اسجل القران الكريم كامل بصوتي قريبا وانزله عندي.. الحمد لله رب العالمين، والله بحبكم في الله ويشهد الله علي ما في قلبي من محبه ليكم".

رد الفنان الشاب المعتزل خالد الفايد، نجم برنامج ذا فويس، على هجوم زوجة المنتج هاني محروس، مؤكدًا أنه طُرد في الشارع لمدة 3 أيام بعد اعتزاله الغناء.

وكتب خالد الفايد عبر حسابه بموقع فيسبوك: "أولا أنا مرضيتش أذكر ديانات أبدا في الموضوع ثانيا أنتي مراته وأكيد محموقه عليه وزعلانة، ثالثا البوستات اللي كان بيقولي امسحها كانت بوستات دينية وربنا شاهد لما كنت منزل بروفايل مكتوب فيه (محمد صلى الله عليه وسلم ) لقيته بيقولي مينفعش تنزل ده امسحه ودا غلط".