مصر الآن
رئيس التحرير
عصام كامل

السيسي يوجه رسالة إلى المستثمرين: لو قولنا بكام الدولار وهنجيب منين مش هنتحرك للأمام

الرئيس السيسي
الرئيس السيسي

افتتح الرئيس عبدالفتاح السيسي، صباح اليوم الخميس، مصانع إنتاج الكوارتز بالعين السخنة، وذلك بحضور الدكتور مصطفى مدبولي، رئيس مجلس الوزراء، وعدد من الوزراء وكبار المسئولين.

كلمة الرئيس السيسي

قال الرئيس عبد الفتاح السيسي، رئيس الجمهورية" خلال كلمته: لو قولنا بكام الدولار وهنجيب منين لن نتحرك للأمام.

ووجه السيسي، اليوم الخميس، خلال افتتاح مجمع مصانع إنتاج الكوارتز في العين السخنة، كلمته للمستثمرين، قائلًا: إحنا معاكم.. معاكم بإنكم تيجوا تشتغلوا.. تشتغلوا معانا ولا لوحدكم؟ اللي أنتم عايزينه، عايزين لوحدكم هنسهل معاكم الأمور، عايزين تبقوا موجودين معانا؟، وقولتها بافتتاح مشروع الرمال السوداء، كل ما نعمله متاح لكم.

وأكد الرئيس السيسي، على القطاع الخاص والمستثمرين، من فضلكم متضيّعوش وقت تاني وأي مشروع من المشروع اللي بنتكلم فيها فرص نجاحه، مش أنا اللي بقول إنها ناجحة ولكن بالبيانات اللي عندنا وحجم الاستيراد الذي نستورده هو دراسة الجدوى فلو كانت خامتها موجودة في مصر يبقى المشوار كله خلصان، مش هنجيب حاجة من برا.. وأقول تاني للمستثمرين، وللحكومة منضيّعش وقت تاني أكتر من كده.

مشروع مجمع مصانع الكوارتز

وتولى تنفيذ مشروع مجمع مصانع الكوارتز، جهاز مشروعات الخدمة الوطنية للقوات المسلحة، ويستغل المشروع خامات ذات جودة عالية من جبال البحر الأحمر، حيث تصل نقاوة الكوارتز إلى 99% في منجم بمنطقة مرسى علم.

ويُصنف المشروع كالأول من نوعه في مصر والدول العربية والأفريقية، والأول عالمياً من حيث تكامل العملية الإنتاجية، وذلك بإقامة مصانع لإنتاج منتجات متنوعة من خام الكوارتز، مثل رقائق وألواح وأحجار وبودرة وغيرها.

ويهدف المشروع إلى تحقيق قفزة نوعية في قطاع التعدين، وزيادة قيمة المادة الخام المصرية، وخلق فرص عمل جديدة، ودعم التصدير والاستبدال التجاري.