محسن جابر مهاجما عمرو مصطفى: ده عيل.. وأي حاجة هتتعمل لأم كلثوم هقفلها
علق المنتج الكبير محسن جابر على أزمته مع الملحن عمرو مصطفى بسبب استخدام صوت أم كلثوم بتقنية الذكاء الاصطناعي.
أزمة محسن جابر وعمرو مصطفى
وقال محسن جابر خلال مداخلة هاتفية لبرنامج "ملفات"، الذي تقدمه الإعلامية أميرة بدر، على شاشة قناة "هي": أنا إنسان كبير مش هنزل للمستوى ده، هي خناقة يا جماعة ده واحد عايز يشتهر.. لو له حق أدبي عنده محاكم بدل ما هو عمال يتنطط كده يرووح المحاكم إحنا مش فاضيين له أحل أيه ده عيل.. وبقفل محطة بلاقيه طالع في محطة تانيه.
واستكمل محسن جابر عن امكانية الصلح مع عمرو مصطفى: هو مبيقعدش لحد أصلا ولا بيحترم حد، وبيطلع يتكلم عليا واحد قد عيالي يقول بيتهرب من الضرائب، وأي حاجة هتتعمل لأم كلثوم هقفلها.
برنامج "ملفات" تقدمه الإعلامية أميرة بدر على شاشة "هي" يوميًا من الأحد للأربعاء وتناقش خلاله عددًا من القضايا التي تشغل الرأي العام، بالإضافة إلى استضافة نجوم الفن والرياضة.