رئيس التحرير
علاء الجمل

"والله ما يخدوهم مني".. شيرين عبد الوهاب تعلق على زواج بناتها

شيرين عبد الوهاب
شيرين عبد الوهاب

كشفت الفنانة شيرين عبد الوهاب عن الشروط التي يجب أن تتوافر في أزواج بناتها في المستقبل، مؤكدة أن أولهم مراعاة الله من الطرفين.

تصريحات شيرين عبد الوهاب 

وقالت شيرين عبد الوهاب، في تصريحات تليفزيونية:" وجعتني أوي الفكرة، ماشي بس بشرط مياخدوها بعيد عني تقعد جنبي، والله العظيم ما أسيبها أبدًا، زي ما أخليها تراعي ربنا فيه، هو يراعي ربنا فيه".

شرط زواج بنات شيرين عبد الوهاب 

وأضافت شيرين عبد الوهاب: "مايمدش إيده عليها أبدًا ميهينهاش ميخوفهاش، يعاملها كأنها بنته، الأم بتحس ربنا بيديها سينسور بتحس باللي قدامها".

رأي شيرين عبد الوهاب في الفنانات

وذكرت شيرين عبد الوهاب رأيها في مجموعة كبيرة من أبرز الفنانات، وقالت عن إليسا: “بحب وضوح إليسا، ومبحبش إن هي أما بتغني كأنها ماسكة على الناس شيكات”.

 

وأضافت شيرين عبد الوهاب:" ونوال الزغبي شياكة وثقة في النفس، وزمان كانوا بيقولوا إن نوال صعب حد يقدر يسلم عليها".

وعن الفنانة نجوى كرم، قالت شيرين عبد الوهاب:" نجوى كرم التقل كله، والجمال والشياكة، بحبها وقلبها جميل، ومبتغيرش من حد ومركزة على نفسها أكتر، معرفش مدام نجوى كويس علشان أقول إيه الوحش اللي عندها".

وأعربت شيرين عبد الوهاب عن حزنها من الفنانة نانسي عجرم، إذ قالت: "نانسي جميلة وفي حالها، وعمرها ما اتكلمت عن حد وحش، والوحش اللي فيها إن هي مش بتسأل عليا خالص".

وتابعت عن هيفاء وهبي، قائلة: كل حاجة في هيفاء حلوة، كريمة ومجتهدة جدًا، ومش بحب فيها عصبيتها".

وأكدت شيرين عبد الوهاب، أن الشهرة لم تغير فيها شيئًا، بل مازالت تتعامل مع الجميع مثلما كانت قبل الشهرة، وقالت: "أنا نفس شيرين قبل الشهرة، في طريقتي وأسلوبي، متغيرتش وملبستش ماسك النجومية للناس".

وتابعت:" بخلص شغلي وأقعد على الأرض مع الأمير والغفير آكل على الأرض براحتي، ولو كنت أعرف أن الشهرة فيها طلعات ونزلات كنت فضلت إنسانة عادية، إحنا بنتكلم عن الجانب السيئ في الشهرة".

وأكدت أن هناك جانبا إيجابيا من الشهرة، وهو حب الناس، معلقة: "أنا اتشهرت شهرة غير عادية في وقت أنا مكنتش جاهزة، علشان كده بخرف كتير، الدكتور النفسي قالي أنتِ عاملة زي مؤسسة كبيرة أوي بيدرها فرد واحد".