رئيس التحرير
علاء الجمل

تامر حبيب: عرفت إني بحب منة شلبي يوم القبض عليها.. والست أهم ألف مرة من الراجل

تامر حبيب ومنة شلبي
تامر حبيب ومنة شلبي

أكد السيناريست تامر حبيب، أن أول لقاء بينه وبين النجمة منه شلبي بعد أزمتها الأخيرة كان من أسود أيام حياته، قائلا: "اليوم ده كان من أسود الأيام اللي مرت عليا في حياتي وكنت هموت مش عارف أوصل لها لحد ما عرفت أنها في طريقها للبيت".

وأضاف تامر حبيب، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه علم حبه الشديد لها خلال هذه الأزمة، متابعا: "عرفت قد ايه أنا بحبها وأخذتها في حضني وكان كل همي تضحك وتتبسط عشان تنسى الأزمة الكبيرة دي وربنا ما يحكم على حد ونفسيتها حاليا أفضل ونزلت اشتغلت".

وأوضح، أن الضغط مش من الموقف ولكن من القسوة الشديدة من البشر، متابعا: "كأن الناس كانت نازلة معاها من الطيارة، وفي ناس مهمتها تهاجم ويمكن كانوا موجودين ومش عارفين بسبب السوشيال ميديا وفي عزاء امي اتهاجمت".

تامر حبيب: الجواز مؤسسة اجتماعية فاشلة

وأكد السيناريست تامر حبيب، ايمانه بالمساواة بين الرجل والمرأة وإن كان يرى أن المرأة أهم من الرجل، قائلا: "أنا شايف الست أهم الف مرة من الراجل لأنها هي اللي بتعمل الراجل وكلنا اللي عملتنا أمهاتنا وكل راجل طلع عامل أزاي هو صورة عن تربية أمه".

وعبر تامر حبيب، عن رفضه فكرة الزواج وأنها مؤسسة فاشلة، مضيفا: "أنا شايف الجواز مؤسسة اجتماعية فاشلة ولو جه نصيبي في الجواز زي القطر هتجوز مجاش خلاص.. وعندي ناس اعرفهم عندهم موضوع المساكنة ولكن دفن الرأس بتاعتنا زي النعام مليش دعوة به".

وتابع: "جزء من مهنتنا نقف في وش المدفع ونتكلم على المسكوت عنه ودي نماذج في حياتنا ولو قعدت اعمل حساب للهجوم على السوشيال ميديا مش هعيش حياتي وطظ في الناس دي".